Direitór Nasionál Dezenvolvimentu Kooperativa no Finanseira, Reinaldo Borges hatete, kontinua fó formasaun báziku ba grupu sira ne'e atu asegura nia sustentabilidade ekonómika hodi sai kooperativa hodi nune'e Konstituisaun Repúblika demokrátika Timór Leste K-RDTL no Dekretu le- Kooperativa asegura sira.
“Atu sai kooperativa hodi garante nia sustentabilidade tanba durante ne'e sira la'o hela ho grupu nune'e laiha lei ida atu asegura sira maibé agora sira muda ba kooperativa atu nune'e Konstitusaun Repúblika demokrátika asegura no dekretu lei kooperativa asegura sira”, dehan Diretór Reinaldo Borges ba www.tempotimor.com domingu (15/05).
Faze formasaun ne'e atu apoiu ba grupu Lololiman ne'e atu nakfilak ba kooperativa hodi asegura no sustentabilidade ekonómika ba membru ne'ebé envolve iha grupu refere.
“Agora dadaun ne'e sei grupu multisetorál hela atu nakfilak ba kooperativa kreditu Uniaun no Multisetorál”, haktuir nia.
Partisiante formasaun báziku ne’e ho totál hamutuk 177 no dadaun ne'e membru Grupu Lololiman iha 47 ho nia fundu hamutuk $11.000.
Ba atividade formasaun ne’e realiza tanba hetan despasu husi Sekretáriu Estadu Kooperativa servisu hamutuk entre Dirasaun Nasionál Edukasaun, Formasaun no Informasaun ho Dirasaun Nasionál Edukasaun, Formasaun no Informasaun ne'ebé realiza formasaun kooperativa bázika hahú husi husi loron 13 to’o 17 maiu 2022. (*)