Login to your account

Username *
Password *
Remember Me

SEKOOP Loke Formasaun Bázika Kooperativa Multisetoriál

Sekretáriu Estadu Kooperativas (SEKOOP), Elizário Ferreira. Sekretáriu Estadu Kooperativas (SEKOOP), Elizário Ferreira. Foto Suplay

Tempotimor (Dili)-Sekretáriu Estadu Kooperativas (SEKOOP), Elizário Ferreira, loke formasaun bázika kona-ba lala'ok Kooperativas nian ba Pra Cooperativa Multisetoriál Dalan Ba Futuru, hodi asegura nia sustentabilidade ba futuru.

“Ha'u fó parabéns ba formandu sira tanba iha inisiativa di’ak hodi halibur malu atu hari’i kooperativa ida ne'ebé maka tenke iha ninia sustentabilidade ba futuru, labele ohin hari’i aban mate fali, ha’u fó sugestasaun katak bainhira harii kooperativa karik tenki garantia ninia sustentabilidade ba futuru, hodi asegura prospriadade ba membru sira-nian”, dehan Elizário Ferreira iha Salaun Federasaun Hanai Malu, Lanud, Bairropite, kuarta (11/05).

Alende ne'e mós husu Dirijente Kooperativa nian atu komunga nafatin umilde, onestidade, no simplesidade katak kooperativa hahú ho umilde, dezenvolve ho onestidade, no kontrola ho simplesidade.

Tuir Konstitusaun Repúblika Demokrátika Timor-Leste iha Artigu 138, hatur ona katak setór ekonómiku ne'e iha setór tolu, mak hanesan, seitór Públiku, Privadu, no kooperativas, iha prinsípiu kooperativas nian da-lima katak kooperativa ne'e hahú eduksaun, dezenvole ho eduksaun, kontrola ho edukasaun no dependénsia totalmente ba eduksaun, edukasaun ne'e sai hanesan ran ba kooperativas nian hodi produz rekursu umanu asegura sustentabilidade Kooperativas nian.

Antes ne'e mós kooperativa liuhusi Federasaun Hanai Malu koopera ho Institutu Superio Cristal (ISC), Universidade Nasionál Oriental Timor Lorosa'e (UNITAL) kria ona departamentu Jestaun Kooperativa nian, no agora dadaun parte husi Sekretáriu Estadu Kooperativas (SEKOOP), halo hela diskusaun ho Reitoria UNTL oinsá mak ba futuru atu estabelese tan departmanetu kooperativa nian, iha instituisaun refere.

Ikus liu SEKOOP husu ba formandu sira atu aproveita didiak formasaun ne'e to'o ramata atu nune'e bainhira esbelese ona Kooperativa karik tenke dezenvolve ho di’ak.

Iha tempu hanesan Reprezentante Kooperativa Multisetoriál Dalan Ba Futuru, Sabino da Costa Gusmão Borges hateta, sira iha inisiativa atu hari’i kooperativa ho ninia objetivu prinsipál oinsá atu rai osan ba futuru bainhira reforma husi servisu.

“Ida ne'e ami akumula ema sira ne'e hotu oinsá sira bele rai osan atu nune'e bainhira sira reforma husi sira-nia servisu sira iha ona osan iha Kooperativa”, afirma nia.

Reprezentante ne'e mós subliña liután katak dadaun ne'e iha ona membru hamutuk ema na’in-50, ho kapitál hamutuk osan $3000 resin. Membru hirak ne'e balun servisu iha SEFOPE, profesionál saúde, balun negosiante, nomós balun profesór. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter