“Dekretu-lei ne’e hakarak determina prosedimentu administrativu implementasaun parke industriál iha Timor-Leste hodi regula rekezitu sira ba ezekusaun, infraestrutura no funsionamentu, inklui estrutura jestaun”, dehan Ministru Prezidénsia Konsellu Ministru (MPKM), Fidelis Leite Magalhães iha Palásiu Governu, sesta (13/05).
Ho ida ne’e Governu hakarak fó impulsu ba kriasaun no estabelesimentu parke industriál no infraesturtura relasiona ho dezenvolvimentu ekonómiku nasaun hodi atrai investimentu no kria kampu serbisu.
Ba implementa polítika ne’e presiza iha enkuadramentu legál, nune’e parke industriál la’ós jardín kuda ai-funan maibé parke industriál ne’e hanesan komplexu industriál ne’ebé preparadu ona iha laran ho esgotu sira, asesu eletrisidade, morru no seguransa ba rai, atubele fasilita investimentu. (*)