“Programa ne'e, Parlamanetu Nasionál (PN) aprova Osan 6 Milhões sei koloka pur volta 150 Suku implementa ba bee-moos. Programa Nasionál Dezemvolvimentu Suku (PNDS) iha tinan 2013 até agora seidauk kobre Suku hothotu nia nesesidade liliu ba bee. Tamba ne'e, alokasaun orsamentu ba de’it iha suko”, Dehan Diretora Claudinha iha sala PNDS Katedral Vilaverde, kinta (12/05).
Tanba iha suku laran Aldeia bele barak no balun oituan entaun presiza halo jestaun hodi haree prioridade sira iha Suku laran tanba alokasaun orsamentu ba de'it suku ne'ebé presiza halo faze pur faze.
“Faze primeiru halo iha suku 150, faze segundu ba suku 101 no faze terseiru ba suku 202. Entaun fazeadu sira ne'e ita halo ba suku sira ne'ebé antes ne'e hetan ona akordu. Ezemplu iha Suku Seloi Malere tinan ne'e, sira hetan depois tinan rua mak sei hetan filafali entaun labele responde ba nessesidade iha nível suku nian. Tanba ne'e, sei halo tuir prioridade ne'ebé komunidade suku sira identifika hanesan Estrada, Bee moos inklui prioridade sira seluk”, afirma nia.
Mesmu PNDS aloka orsamentu ba suku sira maibé seidauk responde ezijensia komunidade sira nian. Tanba ne'e, liuhusi aprovasaun orsamentu adisionál sei fó ba suku 150 iha Munisípiu 13 ne'ebé tau Bee moos sai prioridade.
Maibé la garantia atu suku hothotu hetan no sei ba suku sira ne'ebé tau sira-nia prioridade ba Bee-moos inklui varius nessesidade iha Suku laran no tuir prioridade ne'ebé suku sira hili.
“Orsamentu 6 Milhões ne'e, prioridade liuba programa Bee-moos, no ami sei la haree ba buat seluk. Espera kada tinan Governu bele tau osan hodi responde ba nessesidade sira ne'e. Tanba orsamentu anual PNDS nian ne'e la’ós espesifiku ba bee-moos, nune'e osan tun ba suku sira konforme uza ba atividade seluk tanba desizaun husi suku sira la’ós PNDS”, esplika nia.
Orsamentu Adisionál ne'ebé aprova husi Parlamentu Nasionál (PN) espera katak tinan tuir mai Governu bele tau osan priorolidade liuba Bee-moos atu suku no aldeia ne'ebé seidauk hetan Bee-moos bele responde ba orsamentu ne'ebé tau ona. (*)
