Tuir informasaun ne’ebé www.tempotimor.com asesu iha pájina AIFAESA katak, AIFAESA liuhusi inspetóres Departamentu Metrolojia no Padronizasaun, no Departamentu Operasaun, halo inspesaun ba loja konstrusaun sira iha área Hudi-Laran, Balide no Bekora, hodi haree ba medida sira ba materiál konstrusaun hanesan besi beton, ai, tripleks, kalen no sira seluk, inklui rejista mós ba dasin sira ne’ebé uza hodi tetu pregu.
Ho nune’e, ekipa inspetór konsege rejista loja konstrusaun hamutuk neen (6) no konvoka 1 tanba la aprezenta lisensa komersiál nian.
Aleinde ne’e, ekipa mós halo kontrolu ba fatin distribuisaun “Ice Cream” ne’ebé lokaliza iha Bebonuk durante ne’e. (*)