Tanba ne’e, responsavél seksaun turistíka, Idonia Pacheco Sanches, ho ekipa husi Departamentu Operasaun, entrega notifikasaun ba estabelesimentu 3 mak hanesan Delta Nova, Novo Turismo no Rumardi Kantina.
Relasiona ho notifikasaun ne'e, ekipa operasionál husu ba na’in estabelesimentu sira iha loron tolunulu nia laran atu trata dokumentus autorizasaun husi SERVE.
Enkuantu estabelesimentu sira la kumpri prazu notifikasaun refere, mak AIFAESA sei toma medidas hodi foti sansaun asesória ka hapara atividade ho temporariamente.
Aliende ne’e atu tama ba loron Restaurasaun Independénsia Timor-Leste nian, AIFAESA liuhusi seksaun Turistíka kontinua intensifika atividade inspesaun no fiskalizasaun ba otél, apartamentu, restaurante, inklui massage sira iha kapitál Díli.
Asaun ida ne'e ekipa inspetór sira verifika fatin preparasaun ai-hán, sala hán fatin, kondisaun ijiene, toilet, data validade ai-hán no bebida, inklui dokumentu ba autorizasaun ne'ebé emite husi SERVE.
Ho nune'e ekipa operasionál sira kobre estabelesimentu hamutuk sanolu-resin-haat (14), kompostu husi otél haat (4), apartamentu tolu (3), massage hitu (7) inklui restaurante ida (1). Ikus mai rezulta konvoka estabelesimentu haat (4) ba lisensiamentu komersiál. (*)