Print this page

MF Realiza ona Pagamentu Liña Frente Jornalista 409

Miniteriu Finansas. Miniteriu Finansas. Foto Suplay

Tempotimor (Dili)-Ministériu Finansas (MF) liuhusi Sekretariadu Tékniku Fundu Covid-19, realiza ona pagamentu liña-frente Jornalista 2021 hamutuk 409 benefisiáriu ho montante $285,995 mil ba períodu fulan-ualu hahú husi fulan-abril to'o fulan-novembru 2021 (durante Estadu Emerjénsia).

Tuir informasaun ne’ebé www.tempotimor.com asesu iha pájina Ministro das Finanças, Rui Augusto Gomes katak, Pedidu pagamentu ne’ebé submete husi MInisteriu Asuntu Parlamentar no Komunikasaun Sosiál (MAPKOMS) liu ona prosesu verifikasaun no dadus hirak ne’ebé submete mai Sekretariadu Tékniku Fundu Covid-19 prienxe ona rekezitu legál tuir Dekretu Lei númeru 1/2022, 5 Janeiru kona-ba subsídiu ba profisionais ne'ebé hala’o atividades jornalístika, ne’ebé solisita husi Governu, hodi fornese notisias kona-ba vírus SARS-Cov2 durante Estadu Emerjénsia tinan 2021.

Iha tinan 2020, Sekretariadu Tekniku Fundu Covid-19 mós realiza ona pagamentu suplementu remuneratóriu liña-frente Jornalista sira ba 216 benefisiáriu ho montante $97,425 mil ba períodu fulan tolu.

Lista Jornalista liña-frente iha tinan 2021 sa’e ba 409 benefisiáriu, kompara ho tinan 2020 iha de’it 216 benefisiáriu – siknifika iha aumente kuaze besik 90%. (*)

Rate this item
(0 votes)
Last modified on Wednesday, 11 May 2022 10:10
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items