Print this page

Governu Aprova Rejime Aprovizionamentu Programa UKL-Plus

Ministru Prezidénsia Konsellu Ministru, Fidelis Manuel Leite Magalhães. Ministru Prezidénsia Konsellu Ministru, Fidelis Manuel Leite Magalhães. Foto Suplay

Tempotimor(Dili)-Governu ne'ebé maka lidera husi Primeiru Mministru (PM), Taur Matan Ruak, liuhusi Konsellu Ministru (KM), iha loron sesta (06/05) konsege aprova ona projeitu rejime aprovizionamentu ba programa Uma ba Kbi’it Laek-Plus (UKL+).

Iha Projetu Dekretu-Lei ida ne’e, aprezenta husi Ministru Administrasaun Estatál, Miguel Pereira de Carvalho, kona-ba rejime aprovizionamentu ba programa Uma ba Ema Kbi’it Laek Plus (UKL+).

“Ho Dekretu-lei ida-ne’e estabelese rejime espesiál aprovizionamentu ne’ebé haree liuba ezekusaun medida UKL-plus”, dehan Ministru Prezidénsia Konsellu Ministru, Fidelis Manuel Leite Magalhães, iha Palásiu Governu, sesta (06/05).

Ho rejime foun ida ne’e, ba oin sei prevee opsaun rua mak, ida sei halo atribuisaun subvensaun liuhusi estrutura suku no programa Nasionál Dezenvolvimentu Suku (PNDS).

Nune'e mós iha opsaun ida seluk ne'e, ho posibilidade atu halo aprovizionamentu sentralizadu, hodi bele hetan ekonomia eskala no poupansa ba rekursu ekonómiku. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items