Login to your account

Username *
Password *
Remember Me

Governu Kórea Kontinua Enkoraja Traballadór Timoroan Servisu Badinas

Embaixadór Korea iha Timor-Leste, Kin Jong Hun. Embaixadór Korea iha Timor-Leste, Kin Jong Hun. Foto Suplay

Tempotimor (Dili)-Governu Kórea Súl liuhusi Embaixada iha Timor-Leste kontinua enkoraja traballadór timoroan servisu badinas no disiplina bainhira ba Korea.

“Parabéns ba trabalhadór sira ne'ebé ohin imi konsege realiza imi-nia mehi atu ba servisu iha Korea nomós agradese ba família sira hotu nia servisu maka'as apoiu ba prosessu sira to'o ohin loron”, dehan Embaixadór Korea, Kin Jong Hun iha Ótel Timor Lodge, Komoro, sesta (06/05).

Tanba Korea nia situasaun COVID-19 sa’e maka'as maibé agora daudaun iha ona kontroladu nomós sira-nia klima, maibé fiar katak traballadór sira ba Korea mós sei fasil halo adaptasaun moris iha Koréa.

Ba traballadór sira ne’ebé ba Korea to'o agora iha ona 4,500 no tinan 2021 haruka atus-lima kada tinan maibé iha tinan 2022 foin mak to'o iha fulan-maiu kuaze haruka ona atus-lima mak ba Koréa ne'ebeé númeru boot ebes.

“Ha’u fó hatete ba imi katak ita-boot sira ba servisu iha Korea la’ós servisu ida ne'ebé mak halo ita-boot sira sente moe, ka sente ladi’ak. Tanba ne'e, ita-boot sira ba Korea ne'e atinje ita-boot sira-nia mehi la'ós atu ba servisu de’it maibé atinje ita-boot sira-nia mehi”, informa nia.

Iha tinan tolunulu liu ba joven Korea barak ba servisu iha Alemaña no Media Oriente hodi atinje sira-nia mehi no hatama reseita barak hodi kontribui mós ba dezenvolvimentu nasaun Korea Súl nian.

“Ha’u hakarak ko'alia tan buat balu ne'ebé ita-boot sira presiza tau iha hanoin antes atu ba Korea, baihira sama ain ona iha Korea ita-boot sira konsideradu hanesan ema Korea entaun siknifika tenke halo tuir regulamentu sira ne'ebé mak aplika iha Korea. Koréa nia seguransa ida ne'ebé di’ak tebes hanesan nasaun sira seluk tanba ne'e ba imi komfortavel tebes atu imi bele passa imi-nia vida iha Korea”, dehan nia.

Embaixadór ne'e, sente triste tanba traballadór timoroan kuaze atusualu-resin mak komete irregularidade kompara ho nasaun seluk Timor iha pozisaun segundu.

“Ha’u triste oituan mós tuir dadus katak agora daudaun kuaze traballadór atusualu-resin mak komete iha irregualidade iha Korea, entre nasaun sanulu-resin-neen haruka traballadór ba Korea ne’e, Timor tama iha numéru dois komete iregualidade barak liu iha koréa”, informa nia.

Nune'e, husu traballadór sira atu halo tuir regra no sei hetan kompensasaun, karik servisu tuir regra mak hetan violasaun iha kontratu laboral bele ba Embaixada Timor iha Korea bele ajuda.

“Ita-boot sira ba servisu iha Korea atu buka osan entaun ba servisu tenke poupa osan labele gasta arbiru hau fiar katak bainhira ita-boot sira remata to’o tinan lima kuandu imi rai didi’ak osan imi bele rai to'o millaun $1”, afirma nia.

Tanba ne’e, traballadór sira presiza kuidadu saúde bainhira sente moras hakat lalais ba ospitál iha Korea tanba atendimentu publiku sira iha Korea di’ak tebes. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter