Tuir informasaun ne’ebé www.tempotimor.com asesu iha pájina Minitériun Obras Públika katak, iha enkontru ne’e, ko’alia kona-ba prosesu kooperasaun ne’ebé durante ne’e halo liliu iha área infraestrutura nia ne’ebé la’o di’ak no presiza kontinua nafatin.

Tanba durante ne’e, Governu Austrália liuhusi programa Estrada Rurál ba Dezenvolvimentu (ERD) apoiu ona Governu Timor-Leste halo manutensaun rutina, manutensaun periódika.

Aliende ne’e loke mós estrada foun sira iha área rurál hodi fasilita movimentasaun komunidade nian asesu ba merkadu husi área rurál, inklui programa seluk ne’ebé finansia husi Governu Austrália. (*)