“Ohin Konsellu Ministrus delibera ona atu autoriza loke prosedimentu aprovizionamentu, liuhusi konkursu públiku internasionál, kona-ba konstrusaun Estrada Munisipál Uaiaka Kelikai-Ossu”, informa Ministru Prezidénsia Konsellu Ministru, Fidelis Leite Magalhaes, iha Palásiu Governu, kuarta (04/05).
Alende ne'e, Konsellu Ministru mós delibera no autoriza kona-ba obras reparasaun auto-estrada Suai-Beasu, Seksaun 1, Suai-Fatuk-ahu/Mola.
Iha ne’e, Ministru Obras Públikas, Abel Pires da Costa mós agradese tanba Konsellu Ministru aprova ona projetu importante rua estatda Munisipál Uaiaka to'o Ossu no Estatda Suai to'o Beasu.
“Ohin ami agradese Konsellu Ministru ohin aprova ona projetu importante rua ida husi Uaiaka to'o Ossu purvolta de tokon 18 ida seluk mai reparasaun ba estrada auto estrada Suai ne'e tokon 8 ne'ebé ohin konsellu Ministru aprova tokon 36 resin”, dehan nia.
Kona-ba reparasaun auto-estrada husi Suai to'o Beasu ho Montante tokon $8 no konstrusaun estrada Uaiaka-Kelikai to'o Ossu ho montante tokon $18, totál orsamentu ne'ebé Konsellu Ministru delibera hamutuk tokon $36. (*)
