Print this page

La'o Hamutuk Apoiu Governu Ezekuta OJE 2022 ho Kuidadu

Koordenadór Asosiasaun La'o Hamutuk (LH), Celestino Pereira Gusmão . Koordenadór Asosiasaun La'o Hamutuk (LH), Celestino Pereira Gusmão . Foto Tempo Timor

Tempotimor (Dili)-Koordenadór Asosiasaun La'o Hamutuk (LH), Celestino Pereira Gusmão hatete, sira-nia parte apoiu Governu ezekuta Orsamentu Jerál Estadu (OJE) 2022 ho kuidadu, atu labele gasta osan arbiru.

“Ami konkorda Governu atu ezekuta atensaun, labele duni ezekusaun, ita-boot sira tenke kuidadu ida ne'e. Tanba ho ezekusaun ne'e osan barak bele uza de'it, mais nia la kona-ba objetivu no rezultadu, nia valór saida ne'e ka la'e, ne'ebé di'ak liu ita hothotu ninia prinsípiu ne'e tama iha ne'e”, dehan nia Celestino iha kna’ar fatin, Katedral, kuarta (04/05).

Maske Idelamente ema hothotu hakarak atu planeamentu ne'ebé Governu fó sai tenke ezekuta, tanba ne'e promete ona ba Parlamentu Nasionál, no promote ona ba povu atu ezekuta, maibé la ezekuta ne'e kestaun ida ne'ebé proformezu Governu nian.

Ba situasaun sira ne'e hotu, presiza diskute, maibé la'o hamutuk nia pozisaun mak se la gasta ne'e di'ak, atu salva osan balun husi estadu nian.

“Sira balun ne'ebé ita levanta tiha ona, ita rai nafatin iha ita-nia kofre estadu, se la uza ita bele haruka filafali, duke ita gasta mais pur gasta de'it laiha rezultadu, ida ne'e perigozu liu”, afirma nia.

Antes ne'e, Ministru Finansa (MF), Rui Augosto Gomes hatete, taxa ezekusaun real ba Orsamentu Jerál Estadu (OJE) 2022, hahú husi 1 janeiru to'o iha 30 abril ne'e atinje ona pursentu lianolu-resin-lima (25%). (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items