“Dadaun ne’e prosesu iha ona CNA, agora koko halo kontratu ba konsultan sira para hala’o sira-nia servisu, remata ona entrega hikas ba CAN”, dehan Sekretáriu Estadu Peska(SEP), Elídio de Araújo, hafoin hasoru malu ho Primeiru Ministru, Taur Matan Ruak, iha Farol, tersa (03/05).
Tanba planu akizasaun hodi sosa ró rua ne’e atu kontribui ba dezenvolvimentu iha setór peska nasionál nune’e bele hasa’e kuantidade ikan.
Nune'e mós bele hamenus presu ikan iha merkadu nasionál no hapara peska ilegál sira.
“Maibé ró rua ne'e atu sosa iha ne’ebé ne’e ita seidauk hatene tanba sei liuhúsi konkursu públiku, tanba daudaun ne’e sei iha hela CAN”, esplika nia.
Ba kada ró ho nia kapasidade 250 GT no orsamentu ne’ebé prevee husi Ministériu Agrikultura no Peska (MAP) ba kada ró ho valór millaun $3.7 ne’ebé hetan aprovasaun husi Parlamentu Nasionál iha tinan 2021 liubá. (*)