Tuir informasaun ne’ebé www.tempotimor.com asesu katak, Ministru Administrasaun Estatal, Miguel Pereira de Carvalho, akompańa husi Diretora PNDS Nasionál no Adminisitradór Munisípiu Aileu, Sesta -Feira ne'e halao Seremonia inagurasaun ba Uma Kbi'it-Laek iha Postu Administrativu Lequidoe, Munisipiu Aileu.

“Ohin ha’u mai nu’udar Reprezentante husi VIII Governu Konstitusionál ne'ebé hodi atende Komvite Xefe Suku na’in-hitu iha Postu Administrativu Lekdoe, hodi festeja susesu implementasaun Uma ba ita-nia família kbi'it la’ek sira, hamutuk 21, ne'ebé mak konstruidu ona iha postu Administrativo ne'e hamutuk 18 to’o iha faze konstrusaun”, deklara Ministru Miguel.

Tanba ne’e sente kontente tebes Governu iha tinan 2021, hahú implementa ona programa UKL, iha teritóriu Timor laran tomak, programa ne'ebé hakarak povu bele hela iha fatin ne'ebé dignu, no Estadu nia obrigasaun atu garante kumpri mandatu konstutusional hodi fó fatin ba populasaun ne'ebé mak Kbi'it Laek.

Maibé fó Parabéns mós ba Autoridade Lokál (Xefe Suku) na’in-hitu ho nia populasaun ne'ebé mak esforsu ona nia kbi'it hotu hodi halo sussesu implementasaun ba programa UKL ne'e, programa ne’e mós sei kontinua nafatin husi Governu.

Partisipa iha Seremónia ne'e, Komandante PNTL Munisípiu no Postu, Lia-na’in, Veteranus, Administradór postu, Referendu Amo Paroku, Komunidade no Lideransa Komunitária sira iha Postu Administrativu Lekidoe. (*)