“Iha ai-hán oin tolu mak sai hanesan énsia ba ita, ida mak senoura, ida seluk mak mantolun, no kafé ne'e sikinifka saida?”. Senoura kuandu nia sei matak, nia to'os tebetebes, halo-an, mais depois kuandu da'an nia tasak tiha no dodok aat liu, mantolun ne'e seidauk da'an kaer tiha nia tauk tebetebes tanba nia monu rahun, mais kuandu da’an ona nia sai to'os maibé funsionáriu sai hanesan kafé hodi halakon egoista hotu hotu maibé kontinua sai hatudu ezemplu di'ak instituisaun ida hafoin tuir formasaun ka aprende buat foun ruma”, dehan SEKOOP Elizário Ferreira, bainhira enseramentu formasaun área espesializada iha Salaun NCBA, Railaku, Ermera, sesta (29/04).

Nune’e, labele sai hanesan senoura, ne'ebé mak ema da'an nia fila husi ne'e sai dodok de'it, matéria ne'e nein lori oituan, segundu labele sai hanesan mantolun tanba hetan oituan matenek ona fila ba egoista ona, ema hotu hotu la vale, terseiru mak kafé.

Tanba kafé ne'e ai-fuan ida ne'ebé nia halo lakon bee nia kór, sikinifika katak, nia halakon ego sira foti-an sira-nia hamosu filafali konseitu foun ida atu ema bele la'o ba oin.

“Entaun aprende atu sai kafé, ka fó morin ba ema hothotu la fó morin ba ita-nia an maibé fó morin ba ema hothotu liliu iha instituisaun laran iha ne'e foti de'it modelu ai-fuan tolu ne'e para imi bele sente”, afirma nia.

Alende ne'e SEKOOP parabeniza ba formandu sira ne'ebé konsege tuir ona formasaun iha NCBA kona-ba integridade nian durante loron lima nia laran. (*)