“Kalendáriu ba audénsia diskusaun e aprovasaun ba orsamentu retifikativu aprovadu. Tanba ne'e meza baixa kedas proposta lei ida ne'e ba Komisaun C, atu hato'o relatóriu paresér, baixa mós ba komisaun espesializada, A, B, D, E, F no G, ba apresiasaun pareser setoriál”, dehan Prezidente PN, Aniceto Longuinhos Guterres Lopes, hafoin baixa proposta lei orsamentu retifikativu ba Komisaun sira liuhusi plenária estraordináriu iha PN, sesta (29/04).
Ho proposta lei ne'ebé baixa ba komisaun espesializada permanente sira, ho durasaun loron hitu atubele halo apresiasaun ba relatoriu sira tuir kalendáriu komisaun C nian.
Ba kalendáriu debate Proposta Lei Orsamentu Retifikativu ne'e Parlamentu Nasionál aprova ho votu afavór 42 kontra 18 no abstensaun 0 inklui aprova mós pedidu karakter urjénsia husi Governu ho votu afavor 37, kontra 20 no abstensaun 3. (*)