“Kompete ba Konsellu Fiskál, nu’udár órgaun fiskalizasaun BTL, EP, garante kumprimentu husi norma legál, norma estatutária no norma regulamentár sira ne’ebé aplikavel ba empreza no fiskaliza ninia jestaun finanseira no patrimonial”, dehan Ministru Prezidensia Konsellu Ministru, Fidelis Manuel Leite Magalhães, iha Palásiu Governu, kuarta (27/04).
Tuir estatutu sira empreza públika ida-ne’e nian, nomeasaun ne’e propoin husi Membru Governu ne’ebé responsavel ba setór Bee no Saneamentu nian, Ministru obras Públika, Abel Pires da Silva no husi membru Governu ne’ebé responsavel iha área finansas nian, Ministru Finansas, Rui Augusto Gomes. (*)