Gender Cordination, Giz no programa juventude ba mudansa, Roza Martins, hatete, formasaun atu haforsa juventude ba partisipasaun faze dezenvolvimentu hahú husi nivél Suku to'o Munísipal.

"Partisipa iha formasaun ne'e, hamutuk ema na’in-61 mai husi Munísipiu-4, Baukau na'in-14, Dili iha ékipa rua, ida na'in-12, ida na'in-14, husi Lautém na'in-7 no mós husi Vikeke na'in-15," dehan nia iha salaun sentru konvensaun Baukau vila antiga, tersa (26/04).

Joven hirak ne'e, sei sai lideransa di’ak kada Suku, tanba aprende barak ona oinsá atu sai lideransa.

Tanba, formasaun liga mós ba prepara kapasidade juventude ba future sai kontribuitór ba dezenvolvimentu.

"Ha'u garante katak, sira iha inisiativu ne'ebé di’ak, saidá mak sira aprende sei implementa iha sira nia Suku," nia hatete

Nune'e, partisipante Ana Eulalia Ximenes, promete, sei hatutan ba maluk joven sira iha nivél Suku oinsá kontribui ba dezenvolvimentu nasionál.

"Materia ne'ebé ami aprende mak sai joven ida forte hodi kontribui matenek ne'ebé iha ba ita nia nasaun nia dezenvolvimentu," nia hatete

Enkuantu formasaun ne'e hahú iha loron 26 fulan-abríl tuir planu remata iha loron 01 fulan-maiu tinan-2022. (*)