“Ministru Finansas halo aprezentasaun ida kona-ba ezekusaun orsamentál relativa ba trimestre dahuluk tinan 2022 nian. Iha periodu loron 1 fulan-janeiru to’o 31 marsu, ezekusaun orsamentál 8%, ho valór dolar amerikanu millaun 160,8.”, dehan Ministru Prezidénsia Konsellu Ministru, Fidelis Leite Magalhães, iha Ministériu Finansas, Aitarak Laran, tersa (26/04).

Husi valór ne’e, iha pursentu ruanolu-resin-haat (24%) (millaun 60,5) korresponde ba kategória saláriu no vensimentu, 9% (millaun 46,4) uza ona ba Beins no Servisus, ezekuta ona 7% (millaun 49,6), iha kapitál no dezenvolvimentu iha ezekusaun 1% (millaun 4) no iha kapitál menor, iha trimestre dahuluk, iha ezekusaun 0,4% (millaun 206).

Ministériu sira ho persentajen ezekusaun ne’ebé boot iha periodu ida-ne’e mak Ministériu Negósius Estranjeirus no Kooperasaun, atinje ona 33% (millaun 8,3), Prezidénsia Konsellu Ministrus, ho 26% (millaun 1,2), no Ministériu ba Assuntus Kombatentes Libertasaun Nasionál, ho totál ezekusaun 24% (millaun 23,6). (*)