“Liña frente mós dehan atu simu rapel, rapel bainhira mak simu. Ha'u lahatene se jornalista sira simu ona ka la'e, lahatene, que hamosu konfuzaun. Ne'ebé ami husu para Governu iha sensiebilidade atu fó osan ba ema sira ne'ebé halo tiha ona servisu”, dehan Deputada CNRT, Maria Fernanda Lai, iha plenária Parlamentu Nasionál, tersa (26/04).

Maibé Ministru Asuntu ba Parlamentar no Komunikasaun Sosiál (MAPKomS), Francisco Martins da Costa Pereira Jerónimo esplika, lista jornasila liña frente dala barak halo MAPKomS ulun moras, tanba haruka ba Ministériu Finansa sempre haruka fila hodi hadi'a.

“Tanba saida orsida ba Ministériu Finansa dehan katak ida ne'e labele, ida ne'e labele, mais lei dala ruma fó dalan iha Ministériu Finansa labele, haruka pareser, agora ami prontu hotu ona haruka ba fali”, hatete nia.

Tanba ne'e, agora prosesu halo despaisu mós remata ona, MAPKomS haruka filafali ba iha Ministériu Finansa atubele prosesa hodi halo pagamentu.

"Hein fali ministériu finansa dehan tán halo nusa, sé dehan katak failla tan, ne'e labele, hadi’a tan. Ehh garantidu katak loos hotu ona tanba haree ba dekretu lei, ami halo tuir dekretu lei ne'ebé iha, e agora haruka ba ona”, afirma nia. (*)