Login to your account

Username *
Password *
Remember Me

Aban, Traballadór Na'in-46 Kontinua Aranka ba Aústralia

Traballadór Timoroan Na'in-46 ne’ebé prepara hela aranka ba servisu iha Austrália. Traballadór Timoroan Na'in-46 ne’ebé prepara hela aranka ba servisu iha Austrália. Foto Tempo Timor

Tempotimor (Dili)-Sekrétariu Estadu Formasaun Profesionál no Empregu (SEFOPE) liuhusi Diresaun Nasionál Empregu Exterior (DNEE) aban, loron kuarta (27/04) kontinua husik traballadór hamutuk na’in-46 atu ba servisu iha nasaun Aústralia.

“SEFOPE liuhusi Diresaun Nasionál Empregu Exterior (DNEE) realiza seremónia asina deklarasaun ho família traballadór na’in-46, iha loron tersa (26/04) atu husik oan, la’en ba servisu ba nasaun Aústralia. Traballadór sira ne'e sei aranka ba Aústralia iha loron kuarta (27/04)”, informa Diretór DNEE, Filomeno Soares, iha Salaun DNEE Bekora, tersa (26/04).

Ho serimónia ne’ebé halo atu oinsá parte husi Governu no família assina deklarasaun atu sai hanesan kompromisiu ida katak inan aman no família prontu ona husik sira-nia oan, la’en husi sira-nia le'et ba servisu iha Austrália.

Tanba ne’e, la'ós Governu mak obriga timoroan atu ba servisu, maibé Governu kria kondisaun de'it, oportunidade ne'e traballadór sira mak aproveita.

Bainhira atu aproveita oportunidade sira ne'e, traballadór sira tenke kumpri rekejitu balun hodi asegura sira, bainhira servisu iha Austrália, tanba prosesu haruka traballu sira ba servisu iha rai liur la'ós prosesu fasil, maibé liuhusi prosesu ne'ebé naruk.

Ho ida ne’e, husu ba traballadór ne'ebé hetan ona oportunidade atu aproveita ho didi’ak hodi bele loke dalan ba joven sira iha futuru.

Tuir númeru traballadór sira ne’ebé sei servisu iha Western Aústralia ho Programa Pacific Agricultura Labour Mobitilitys (PALMs) ho totál hamutuk na’in-46 kompostu husi feto na’in-5 no mane na’in-41.

Husi ne’e iha traballadór tuan na’in-12, iha feto na’in-2 no mane na’in-10 no traballadór foun na’in-34, feto na’in-3 no mane na’in-31.

Ba traballadór sira ne’e sei destaka ba kompaña Cable Beach na’in-12 iha feto na’in-2 no mane na’in-10, Down to Earth na’in-24, feto na’in-3 no mane na’in-21 no T & CDO & SON mane na’in-10.

Traballadór sira ba servisu iha Aústralia ho durasaun fulan nen (6) to’o fulan sia (9) iha mós posibilidade bele to’o tinan ida (1) bele tinan tolu (3).

Reprezentante Traballadór husi Munisípiu Vikeké, Artis Ruas Graha hatete, sente kontente ho Programa Governu nian ne'ebé haruka Timoroan ba servisu iha rai liur hodi bele gaiña esperiénsia servisu.

“Nu'udar Traballadór Timoroan ha’u kontente ho Programa Governu nian ne'ebé haruka Timoroan ba servisu iha rai liur tanba ami ba servisu la'ós gaiña osan de'it maibé gaiña mos esperiénsia servisu iha rai liur ne'ebé kolega lubuk fila mai loke negósiu no halo uma inklui loke Bar”, afirma nia.

Tanba Programa Pacific Agricultura Labour Mobitilitys (PALMs) bele hasa'e rendimentu ka income família nian kada fulan.

Maibé husu ba traballadór sira atu labele halai ses husi sistema tanba bele prezudika vida no nafatin hetan konfiansa husi kompaña hodi bele fó oportunidade ba maluk Timoroan seluk se halai ses husi sistema lojikamente hamate ona joven sira seluk iha futuru.

Antes ba servisu iha Aústralia Traballadór sira ne'e, liuhusi faze rekolla dokumentu komprovativu sira, teste fiziku no Inglés, interviu direita husi jerente (manager) kompaña, inklui teste saúde no PCR. (*)

Rate this item
(0 votes)
Last modified on Tuesday, 26 April 2022 15:38
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter