“Ba tomada pose tinan ida ne'e (2022), Governu planea ona orsamentu hamutuk millaun $1.6, montante ida ne'ebé mak ki'ik liu, kompara ho tomada pose 2012 ho 2017”, dehan nia hafoin finaliza reuniaun ho Prezidente Repúblika (PR), Francisco Guterres ‘Lú Olo’, iha Palásiu Prezidensiál, Bairopite, segunda (25/04).
Tanba hanesan mídia no públiku sira dala ruma hatene uluk iha 2012 no 2017, kuandu hala'o toma pose ba Prezidente eleitu, estadu aloka millaun $6 kompara ho alokasaun ida agora nian.
Ba preparasaun serimónia toma pose ne'ebé sei hala'o iha Tasitolu, atinje ona pursentu 20 no husi preparativu ida ne'e sei iha tempu loron 25 atu garante prosesu konklui iha 19 maiu.
“Ba 20 maiu ne'ebé mak serimónia isar bandeira, komisaun orgamizadora aloka orsamentu $400 mil atu realiza serimónia sira iha Dili, nomós ba munisípiu sira, despesa $10 mil kada ba munisípiu”, esplika nia. (*)