Delegasaun Timor-Leste hahú ho vizita kortezia ba Vise-Prezidente Banku Mundiál ba Ázia Leste no Pasífiku, Manuela Ferro no hasoru malu ho Diretór Ezekutivu Suplente Banku Mundiál ba Timor-Leste, Miguel Coelho.
Ekipa Tékniku ne’e mós hasoru malu ho Xefe Misaun Artigu IV IMF, Pablo Lopez-Murphy no aproveita oportunidade ne’e informa diretamente ba Ekipa Misaun Artigu IV, IMF kona-ba Ministériu Finansas nia prontidaun atu simu vizita Ekipa Misaun Artigu IV, IMF mai Timor-Leste ne’ebé tentativamente sei realiza iha fulan-juñu 2022.
Durante iha Washington, Delegasaun Timor-Leste mós hasoru malu ho Embaixadór Timor-Leste ba Estadus Unidus Amérika, Isilio Coelho.
Partisipasaun Delegasaun Timor-Leste iha IMF/World Bank Spring Meeting 2022 ne’e hetan autorizasaun husi Ministru Finansas, Rui Augusto Gomes ne’ebé hanesan mós Governadór Timor-Leste ba Banku Mundiál. (*)