Login to your account

Username *
Password *
Remember Me

MOP Orienta Ekipa Tékniku Prepara ba Survey Fatin Implementasaun Prezervasaun Bee

Ministru Obras Públika (MOP), Abel Pires da Silva, hala’o enkontru ho ekipa tékniku halo preparasaun ba survey (peskiza) fatin implementasaun programa Prezervasaun Bee. Ministru Obras Públika (MOP), Abel Pires da Silva, hala’o enkontru ho ekipa tékniku halo preparasaun ba survey (peskiza) fatin implementasaun programa Prezervasaun Bee. Foto Suplay

Tempotimor (Dili)-Ministru Obras Públika (MOP), Abel Pires da Silva, orienta ekipa tékniku halo preparasaun másimu antes ba survey (peskiza) fatin implementasaun programa Prezervasaun Bee iha área ne’ebé identifikadu ona.

Tuir informasaun ne’ebé www.tempotimor.com asesu husi p’ajina ofosiál Ministériu Obras Públika kinta (21/04) katak, ekipa tékniku sira ne’e maihusi Diresaun Jerál Administrasaun no Finansas (DJAF), Diresaun Jerál Obras Públikas (DJOP), Adhoc ne’ebé lidera husi Prezidente Autoridade Nasionál Água no Saneamentu Institutu Públiku (ANAS.IP), Domingos Pinto, inklui Organizasaun Naun Governamentál (ONG) Permakultura Timor-Leste (PERMATIL).

Tanba programa prezervasaun bee ne’e presiza envolvimentu husi ministériu ka instituisaun relevante hodi haree foho lolon sira hodi refloresta filafali ai tanba foho lolon haree bainhira bailoron mamuk hotu.

Orientasaun ne’e, Ministru Abel hato’o liuhusi enkontru iha salaun MOP, Kaikoli, Dili, ho partisipa husi Diretór Jerál Obras Públikas (DJOP), Rui Hernani, ho Diretór Nasionál no ekipa Adhoc, parte husi Diresaun Jerál Administrasaun no Finansas (DJAF), Prezidente ANAS.IP, Domingos Pinto, Diretór PERMATIL, Eugénio 'Ego' Lemos, inklui tékniku sira.

Antes ne'e Ministru Abel mós orienta ona Prezidente ANAS.IP, Domingos Pinto, responsável no organiza programa prezervasaun bee no koordenasaun ho Diresaun Jerál Administrasaun no Finansas (DJAF), Diresaun Jerál Obras Públikas (DJOP) ekipa Adhoc, inklui autoridade lokál sira iha área programa ne'e lokaliza ba hodi apoiu másimu ba redusaun rísku inundasaun. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter