Login to your account

Username *
Password *
Remember Me

PR Promulga Lei Atribuisaun Subsídiu ba Operadór Transporte Públiku

Prezidente Repúblika (PR), Francisco Guterres ‘Lú Olo. Prezidente Repúblika (PR), Francisco Guterres ‘Lú Olo. Foto Suplay

Tempotimor (Dili)-Prezidente Repúblika (PR), Francisco Guterres ‘Lú Olo, promulga ona Dekretu Lei Governu nian kona-ba atribuisaun subsídiu ba operadór transporte rodoviariu públiku, Aéreos, Marítimu Nasionál no adkirente kombustivel ba atividades agríkula no peska.

Tuir informasaun ne'ebé www.tempotimor.com asesu iha pájina Ofisiál Primeiru Ministru katak, loron 19 fulan-abril  tinan  2022,

Lei refere hetan onapromulgasaun husi Prezidente Repúblika, hodi bele responde preokupasaun públiku sira-nian kona-ba folin kombustivel ne'ebé sa'e iha merkadu impaktu husi konflitu Ukrania ho Rúsia.

Ho promulgasaun Dekretu Lei refere, sei fó kbi’it ba Governu iha tempu badak atu hahé implementa.

Iha loron kuarta (13/04), Konsellu Ministru (KM) deside hodi aprova projetu Dekretu-Lei, ne’ebé aprezenta husi Ministru Petróleu no Minerál, Victor da Conceiçao Soares, ba atribuisaun subsídiu ba operadór transporte rodoviáriu públiku, ba operadór transporte aéreu no marítima nasionál sira, no ba adkirente kombustivel ba atividade agríkola, peska.

Ministru Finansas, Rui Augusto Gomes, hanesan mós Ministru Prezidénsia Konsellu Ministru Interinu hatete, haree ba situasaun ne’ebé akontese iha Ukránia, provoka aumentu substansiál ba folin petróleu, ho Diploma ne’e hakarak garante estabilidade presu kombustivel no hodi evita konsekuénsia prejudisiál sira ba ekonomia no ba konsumidór sira.

Tanba ne’e presiza, títulu ezesionál no tranzitóriu, atu halo intervensaun iha merkadu kombustivel, ho hanoin atu hamenus impaktu aumentu presu kombustivel ba transporte públiku no atividade fundamentál sira-seluk ba ekonomia nasionál.

“Subsídiu ne’ebé sei fó ba operadór transporte rodoviáriu públiku, ba operadór transporte aéreu no marítima nasionál sira no ba kompradór kombustivel ne’ebé maka destina ba atividade agríkola no peska nian, sei hanaran Voucher kombustivel, subsídiu ne’e sei halo liuhusi vale diskontu nian ida atu uza iha estasaun sira ne’ebé maka fa’an kombustivel ho ninia montante ne’ebé korespondente ba 100% husi valór  diferensa nian entre folin gazolina ka gazóleu litru ida, iha fulan-dezembru tinan 2021, no folin gazolina ka gazóleo litru ida iha data fo-sai Voucher kombustivel, ho konsiderasaun ba tipu kombustivel no ninia karakterístika sira”, dehan Rui Gomes, liuhusi Komunikadu ne’ebé www.tempotimor.com, asesu kuarta (13/04).

Ba diploma ne’e sei válidu to’o loron 31 fulan-jullu tinan 2022, bele mós prolonga, karik kondisaun ezesionál ba aumentu presu iha merkadu kombustivel kontinua la estavel. (*)

Rate this item
(0 votes)
Last modified on Tuesday, 19 April 2022 14:16
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter