Login to your account

Username *
Password *
Remember Me

MOP ho PERMATIL Hahú Ko’alia Apoiu Atividade Prezervasaun Bee

Diretór Permakultura Timor-Lorosa'e (PERMATIL), Eugénio 'Ego' Lemos, esplika hela atividade prezervasaun bee ba Ministru Obras Públikas (MOP), Abel Pires da Silva. Diretór Permakultura Timor-Lorosa'e (PERMATIL), Eugénio 'Ego' Lemos, esplika hela atividade prezervasaun bee ba Ministru Obras Públikas (MOP), Abel Pires da Silva. Foto Suplay

Tempotimor (Dili)-Ministériu Obras Públik (MOP) ho Permakultura Timor-Lorosa'e (PERMATIL) hahú ko’alia kona-ba atividade prezervasaun bee.

Tuir informasaun ne’ebé www.tempotimor.com asesu iha loron kinta (14/04) katak, Ministru Obras Públikas (MOP), Abel Pires da Silva, enkontru ho Diretór Permakultura Timor-Lorosa'e (PERMATIL), Eugénio 'Ego' Lemos, iha gabinete MOP, Kaikoli, Dili, hodi ko'alia kona-ba apoiu PERMATIL nian ba atividade prezervasaun bee.

Ministru Abel agradese ba servisu PERMATIL nian no husu atu apoiu nafatin ba programa prezervasaun bee iha laletek sira ne'ebé daudauk ne'e Governu liuhusi Ministériu Obras Públika planu atu realiza iha tempu badak ne'ebé sei envolve mós komunidade liliu joven sira iha suku sira área rísku ba inundasaun.

Diretór PERMATIL, Eugénio Lemos hatete, sei apoiu programa prezervasaun bee, tanba ne'e PERMATIL nia área servisu ne’ebé durante ne’e hala’o ona bee debu iha fatin balun hodi halo akaptasaun ba udan-been.

Iha enkontru ne’e, aprezenta mós atividade ne’ebé PREMATIL hala’o ona ke’e bee debu halo akaptasaun ba udan-been, infiltra ba rai-laran hodi hamoris bee-matan.

Iha oportunidade ne'e, Diretór PERMATIL kongratula Ministru ba kna’ar foun, espera ba oin sei servisu hamutuk di’ak liután.

PERMATIL hanesan organizasaun sosiedade sivíl ne'ebé durante ne'e servisu no apoiu maka'as kona-ba prezervasaun bee nian, liuliu kria debu akaptasaun udan-been ho hanoin ida katak sei ajuda fornese bee-moos ba komunidade liuhosi bee-matan sira.

Tanba kriasaun debu ba akaptasaun udan-been ne'e sei infiltra ba rai-laran, depois sai ba mota nomós hamoris nafatin bee-matan.

Antes ne'e, Ministru Abel Pires orienta ona Prezidente Autoridade Nasionál Água no Saneamentu Institutu Públiku (ANAS.IP), Domingos Pinto, mak responsável no organiza programa prezervasaun bee no koordenasaun ho Diresaun Jerál Administrasaun no Finansas (DJAF), Diresaun Jerál Obras Públika (DJOP) ekipa Adhoc, inklui autoridade lokál sira iha área programa ne'e lokaliza ba hodi apoiu másimu ba redusaun rísku inundasaun. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter