Login to your account

Username *
Password *
Remember Me

Governu Prepara Transporte Tula Eleitór ba Munisípiu

Transporte Publiku ne'ebetula eleitor sira ba vota iha eleisaun Primeira Volta. Transporte Publiku ne'ebetula eleitor sira ba vota iha eleisaun Primeira Volta. Foto Tempo Timor

Tempotimor (Dili)-Governu liuhusi Ministériu Administrasaun Estatal (MAE) servisu hamutuk ho Kámara Komersiu no Industria sei prepara transporte hodi fasilita eleitór sira ba vota iha Munisípiu ida-idak tuir kartaun eleitorál.

Tuir inoformasaun ne’ebé www.tempotimor.com asesu husi mídia MAE katak, sira hó laran haksolok fó-sai ba eleitór ká vontante hotu ne’ebé atu fila ba sira-nia munisípio hodi ezerce sira-nia direito de sufrájiu. Tanba ne’e iha pontu balun mak Governu hakarak fó-sai.

“Governo liuhusi MAE hamutuk ho Kámara Komérsiu e Indústria hakarak fasilita transporte atu tula fila eleitór ba sira ida-idak nia munisípiu, liliu ba sira ne’ebé hakarak duni fila, hodi  ba vota tuir sira ida-idak nia kartaun eleitorál. Ba eleitór sira ne'ebé rejistu ona iha sentru votasaun paralelu kontinua vota iha sentru votasaun paralelu”, esplika Komunikadu ne’e iha loron kinta (14/04).

Ba fatin konsentrasaun ne’ebé Governu dfefine ona hanesan, rejiaun I (Manatutu, Baukau, Vikeké hó Lautein) iha Sentro Konvensaun Dili oin. Husi rejiaun II (Aileu, Ainaru, Manufahi, Covalima) iha Kaikoli, Tribunál Rekursu nia oin. No rejiaun III (Likisá, Ermera hó Bobonaru) iha Tassitolu.

Nune’e mós data tula eleitór sira fahe ba faze rua mak iha loron 17 abril 2022, hahú tuku 10 dader, Munisípiu Bobonaro (Postu Administrativu Bobonaro, Lolotoe no Kailaku), Munisípiu Baukau (Posto Administrativu Kelikai no Baguia), Munisípiu Ermera (Postu Administrativu Atsabe no Letefoho), Munisípiu Vikeké (Postu Administrativo hotu), Munisípiu Covalima (Posto Administrativo hotu), no Munisípiu Lautein (Posto Administrativo hotu).

Iha loron 18 de abril 2022, hahú husi tuku 8 to’o 12 meiudia ba Munisípiu Aileu, Munisípio Ainaro, Munisípiu Manufahi, Munisípiu Likisá, Munisípio Manatutu, Munisípiu Baukau (Posto Administrativu 4), Munisípiu Ermera (Posto Administrativu 4), no Munisípio Bobonaro (Posto Administrativu 3).

“Ba eleitór interessadu, hussu ita-boot sira la presiza sena malu ou ânsia hadau malu karreta, tanba transporte sempre iha durante loron markadu to’o horas determinadu. Hussu atu ita-boot sira ida-ida assegura ita-boot sira nia-an durante viajen nia laran hodi evita akontesimentu ne’ebé ita hotu lakohi hassoru iha momentu importante ida ne’e”, hameno. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« November 2022 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter