Login to your account

Username *
Password *
Remember Me

BTL Sosializa Lei Utiliza Bee-Moos ba Komunidade Kamea

Tékniku husi Bee Timor-Leste, empreza públika (BTL.ep), hadi’a hela tanke bee-moos ne'ebé lokaliza iha Sede Suku Kamea, kinta (14/04). Tékniku husi Bee Timor-Leste, empreza públika (BTL.ep), hadi’a hela tanke bee-moos ne'ebé lokaliza iha Sede Suku Kamea, kinta (14/04). Foto Suplay

Tempotimor (Dili)-Ekipa husi Bee Timor-Leste, Empreza Públika (BTL.ep) kinta (14/04), hala'o sosializasaun ba komunidade Suku Kamea, Postu Administrativu Kristu Rei, Munisípiu Dili, atubele kumpre dekretu lei númeru 1/2004 inklui diploma rua kona-ba utilizasaun bee-moos nian ne'ebé estabelese husi Governu.

“Sim, sosializasaun ohin iha suku Kamea ne'e atu fahe informasaun kona-ba oinsá mak bele halo ligasaun, no oinsá mak bele selu bee. Tanba agora dadauk iha terminal Kamea nian ne'e, ami-nia tékniku sira hadi'a, purtantu ida ne'e, ami atu halo sosializasaun ba dekretu lei númeru 1/2004 ne'ebé uluk kedas iha, maibé ami sosializa ba inan-aman sira atu nune'e sira bele kompriende para atu la'o tuir buat ne'e”, dehan Jestór Apoiu Klíente Bee Timor-Leste (BTL), Joaquim Belo, ba www.tempotimor.com iha sede Suku Kamea, kinta (14/04).

Ba dekretu lei ne'e iha artigu 32 no ba diploma rua ne'e ida kona-ba tabela tarefaria nian, ne'e iha artigu 7 no diploma ida seluk ne'e ko'alia kona-ba fiskalizasaun ne'e iha artigu hamutuk 11.

“Ohin esplika tiha ona, kona-ba tabela tarefa nian ne'e iha tipu klíente nian ne'e iha domestika ligasaun ho Komersiál, Sosiál, e tornera públiku”, esplika nia.

Ba tabela tarefa ne'e iha ninia diferénsia mak, tabela domestika nian ne'ebé ligasaun normál ne'e mak selu $55 dolár, no doméstika jerál mós hanesan, maibé só iha diferénsia ne'e mak selu tarefa nian.

Iha tabela domistika ne'e, kada fulan ida uza 14 kobik ne'e konta ba $0.20 sentavu, maibé fulan ida mak kuandu uza liu ida ne'e ne'e sei multa $0.40 sentavu kada kobik ida.

“Purzemplu nia 15 kobik, entaun ida 14 kobik ne'e kali ba $0.20 sentavu, no ida 1 kobik ne'e, kali ba $0.40, e ne'e domestika, maibé ba komérsiu ne'e, atu gasta hira-hira mós ne'e kali ba $0.60 sentavu”, hatete nia.

Maibé ko'alia fali ba tarefa tornera públiku nian ne'e, atu fulan ida gasta hira mós ne'e sura kada kobik $0.10 sentavu, agora ba fali ida sosiál hanesan Igreja, Edukasaun, no Ospitál, ida ne'e kada kobik ida montante $0.15 sentavu.

Durante hala'o sosializasaun ne'e, komunidade Suku Kamea hatudu duni sira-nia konsiénsia hodi koopera ho BTL, maibé sira mos fó hanoin di'ak katak sira prontu ona, atu implementa dekretu lei ida ne'e tanba utilizasaun bee-moos barak mak sei ilegál."Ne'ebé sira mós ohin ejize dehan katak, loos duni dala ruma ami ba to'o maibé presiza duni implementa lei, ne'ebé sira kolabora ho ami,"haktuir nia.

Purtantu husu kona-bá oinsá medida ba kliénte sira ne'ebé estraga bee-moos iha fatin públiku ne'e parte BTL konsidera presiza halo sosiliasaun másimu.

Tanba ne'e mak, ekipa BTL mai fahe informasaun ida ne'e ba komunidade sira atubele kompriende loos katak lei ida ne'e BTL sei implementa. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter