Login to your account

Username *
Password *
Remember Me

UNDP Apoiu Projetu 5 ba Baukau

Prezidente Autoridade Munísipiu Baukau, Olivio Freitas, ko'alia hela ba mídia iha salaun IADE Baukau, tersa (12/04). Prezidente Autoridade Munísipiu Baukau, Olivio Freitas, ko'alia hela ba mídia iha salaun IADE Baukau, tersa (12/04). Foto Tomas Freitas

Tempotimor (Baukau)‐Tinan-2022, United Nations Developement (UNDP), apoiu projetu hamutuk 5 ba Munísipiu Baukau.

Prezidente Autoridade Munísipiu Baukau, Olivio Freitas, hatete, iha tinan-2020 kuaze Munísipiu hotu laiha orsamentu kapitál minór inklui kapitál dezenvolvimentu, tanba impaktu husi pademia covid-19, eleisaun Prezidénsial, Parlamentar, eleisaun Suku, maibé iha tinan-2022, auroridade Baukau, hetan projetu-5 husi UNDP.

"UNDP iha projetu lima, sira tama survey hotu ona, PDIM ajuda dezeñu BQ, la kleur loke tán tender para kompañia lokál bele kompetisaun," dehan nia, iha salaun IADE Baukau, tersa (12/04)

Tanba ne'e, Auroridade Baukau, kontinua fó prioridade ba Organizasaun Naun Governamental (ONG) Intrernasionál no Nasionál sira hodi reabilita estrada rurál, dada bee moos ba komunidade.

Alende ne’e, tinan-2022, UNDP halo mós konstrusaun ba irigasaun-2 hanesan irigasaun Galata iha postu Adminisitrativu venilale no irigasaun balun iha Postu Laga.

"NGO ha'u halo intendimentu ida ho NGO TOMAK ho UN Women, seluk ne'e ami renova fali akordu intendimentu mate ona, seluk (akordu intendimentu) sei moris la'o hela mak UNDP, KOICA, ILO, lubuk ida mak iha ne'e," nia hatete

Programa husi UN Women ba merkadu saudavél iha Munísipiu Baukau sei realiza bainhira merkadu Munísipal prontu ona atu tranfese negósiante ba merkadu Tuanau.

Auroridade Munísipiu konsidera halo parseiru ho ajénsia Internasionál no Nasioál importante tebes, tanba bele dezenvolve mós infraestrutura bázika ba povu ki'ik iha baze.

"Agora dadauk iha 2022 kapitál ba dezenvolvimentu ba Munísipiu laiha, sé Prezidente mak laliga sira ne'e, ita sei laiha projetu, ne'ebé la'o nafatin hetan ko'alia ho sira para saidá mak sira bele halo mai Munísipiu," Olivio argumenta

Nune'e, Diretór Ajénsia Planeiamentu Munísipal, Francisco da Silva Xavier Guterres, husu, ajénsia Internasionál no Nasionál ne'ebé destaka iha Baukau atu nafatin servisu hamutuk ho parte hotu, tantu iha parte finansa inklui parte programa.

"Planu sira ne'ebé ha'u halo durante ne'e simu ona mak UNDP nia planu kona-ba ambientál, UN Women ko'alia kona-ba merkadu seguru," nia afirma

Tanba ne'e, autoridade nafatin buka hatene programa ajénsia sira ne'ebé estabelese iha Baukau, bainhira planu adisionál la aprova Parlamentu Nasionál (PN), bele halo fali koperasaun ho ajénsia sira.

"Hanesan CRS nia halai ba saúde, uluk nia implementa kona-ba covid, ba área peskas nia fó ajuda ba komunidade hakiak ikan, kuandu ha'u hatene sira ne'e, ha'u nia planu adisionál la aprova iha Parlamenu, ha'u fa’an fali ba sira, tanba hatene ona katak ita nia parseria ida ne'e halai ba área ida ne'e," nia hatete

Ajénsia Internasionál 9 mak dadaun rejistu iha servisu Munísipal Baukau, inklui NGO lokál pur-volta 30-resin.

Tanba ne'e, rekomenda ba ajénsia Internasionál sira ne'ebé atu tama iha Baukau, sei liuhusi diresaun ONGS hodi rejistu tuir planu Ajénsia Planeiamentu Munísipal nian mak hanesan, rejistu programa no atividade, inklui mós montante orsamentu ba programa ne'ebé atu implementa iha Munísipal.

"Ezekusaun la'os diresaun ne'e mak ezekuta, sira na'in rasik mak ezekuta, maibé sira tenke rejista programa no orsamentu para ajusta ho planu Munísipal," nia hatete

Entertantu, projetu-5 ne'e UNDP sei implementa iha Postu Baguia, Postu Laga, Venilale no Vemase, mak hanesan, Road reabilitation from Suco Lavateri to Aldeia Onor Tibalari Baguia, Water Source protection and irrigation in Fatulia to Bahawatu Venilale, protection of irrigation channel at Buluto Vemase, Construction of irrigation channel Butufalo Laga, and Construction of irrigation Caibada Bahamori Venilale.

Enkuantu orsamentu refere, la fó sai ba públiku, tanba fundu la'os husi Governu Timor-Leste, tuir planu sei impementa iha tinan-2022, tanba projetu reabilita estrada ba Suku Lavateri to'o Aldeia Onor Tibalari iha ona faze hein asina kontratu, 4 seluk sei iha prosesu dezeñu BQ. (*)

Rate this item
(0 votes)
Last modified on Wednesday, 13 April 2022 14:54
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter