Print this page

Manutensaun ba Ró Navál Seidauk iha Kompaña Konkore ba Konkursu

Ro Naval rua ne'ebe atraka hela iha tasi laran. Ro Naval rua ne'ebe atraka hela iha tasi laran. Foto Suplay

Tempotimor (Dili)-Diretór Jerál Administrasaun Finasas Ministériu Defeza (MD), Nuno Carvalho hatete, to’o agora seidauk iha Kompaña ida mak hatudu nia interese hodi konkore konkursu públiku ba manutensaun Ró Navál Jaco no Betanu ne’ebé avaria hela.

“Iha faze konkursu ne’e seidauk iha kompaña ida mak aplika ba konkursu ida ne’e”, dehan Diretór Nuno Carvalho, hafoin partisipa seremóonia pose Komandante Komponente Naval, Kapitaun Mae e Gerra Higinio das Neves, iha Baze Komponente Naval Hera, tersa (12/04).

Iha Ministériu Defeza prevee osan millaun $2 hodi halo manutesaun ba Ró navál rua, tanba ne’e konkursu públiku loke ba kompañaNasionál no intyernasionál atubele konkore.

“Agora ne’e ita loke ona abertura ba konkursu, kompaña internasionál tantu nasionál bele mai partisipa ida ne’e. Ami loke konkursu ba tinan ida tomak, tanba ita garantia tinan ne’e, ita hakarak ka lakohi halo manutesaun ba Ró Navál rua ne’e”, esplika nia.

Tanba Ró Komponente Navál Jaco no Betano Governu hola iha tinan 2010 no halo manutensaun ba eskalaun dahuluk no daruak dei’t, maibé seidauk halo manutensaun ba eskalaun datoluk.

“Ha’u presiza de’it kompaña ida bele manán iha konkursu ne’e ho kapasidade naton para nune’e, nia bele halo manutensaun”, dehan nia.

Ba orsamentu fiskál tinan 2022, Ministériu Defeza iha montante hamutuk $10,934.731, ne’ebé fahe ba kategória saláriu no vensimentu $1,404.635, bens no servisu $6,278.204, kapitál menor $1,761.642 kapitál dezemvolvimentu $1,490.250. Husi orsamentu ne’e atu finansia programa tolu, sub-programa lima no atividade 21. (*)

Rate this item
(0 votes)
Last modified on Tuesday, 12 April 2022 17:13
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items