Enkontru ne’ebé hala’o iha loron segunda (11/04), Ministru Abel Pires hatete, MOP hanesan ministériu tékniku ne'ebé nia operasaun tékniku kona-ba estrada, ponte, bee-moos no eletrisidade ne'e kobre to'o área rurál, tanba ne'e, presiza duni iha fasilidade transporte no ekipamentu ne'ebé sufisiente hodi fasilita atividade operasaun sira.

Tanba ne’e, orienta dirijente sira atu esforsu kompleta ekipamentu ka fasilidade eskritóriu sira tuir nesesidade funsionáriu no tékniku sira-nian, tanba ekipamentu laiha defikulta servisu tarde.

Iha oportunidade ne’e, tékniku husi Diresaun Jerál Obras Públika (DJOP) no Adhoc atualiza progressu implementasaun projetu emerjénsia ba kalamidade 4 Abril 2021.

Partisipa iha enkontru ne’e mai husi Prezidente Konsellu Administrasaun Instituisaun autónomu sira tutela MOP, Diretór Jerál, Diretór Nasionál, Xefe Departamentu, Jestór Unidade Manajementu Projetu (PMU) no tékniku sira inklui parte legál gabinete MOP. (*)