“Subsídiu frontline ba Jornalista to'o agora ha'u deskobre seidauk selu tanba sa, Ministru Asuntu Parlamentares ne'ebé tutela ba jornalista haruka tiha ona karta, iha inisiu 2022 ha'u dehan tanba sei haruka lista halo regulamentasaun, muito bem, maibé regulamentasaun ne'e sala hotu ga?. Ne'ebé lista haruka ba dehan sala, haruka filafali, dala-2 ona haruka ba Ministériu de Finansas dehan sala”, dehan Deputada CNRT, Maria Fernanda Lai, iha Plenaria Parlamentu Nasionál, segunda (11/04).
Tanba ne’e, preokupante tebes, subsídiu ne'e atu fó wainhira ema ne'e mate tiha ona ka?. Ema presiza hodi hala'o nia servisu, tanba ne'e mak Governu iha Covid-19 nia tempu tau hodi bele fó apoiu ba sira ho ai-hán no fasilidade ne'ebé adekuadu atu sira bele ba halo servisu.
“Agora komu Covid-19 liu tiha ona be, agora lalika selu ka, halo oinsá, ami husu Governu atu hatan, maibé Governu sira la hatene ba hotu kampaña karik ne'ebé laiha nem ida mai atu rona povu nia halerik iha ida ne'e”, katak nia.
Iha biban ne'e mós, Deputadu FRETILIN, Mariano Mota hatete, husu no ezije nafatin semana hirak liuba, kona-ba deputadu sira mós ezije frontline PNTL ne'ebé sira-nia falta fulan rua to'o agora seidauk halo pagamentu.
"Frontline PNTL ne'ebé mak sira-nia falta fulan rua até agora problema saida mak seidauk halo pagamentu E fulan rua, sira falta fulan rua”, informa nia. (*)
