Login to your account

Username *
Password *
Remember Me

ANPM Husu Governu Hatun Taxa ba Kombustivel

Prezidente Autoridade Nasionál Petroleu no Minerál (ANPM), Florentino Mateus Soares Ferreira. Prezidente Autoridade Nasionál Petroleu no Minerál (ANPM), Florentino Mateus Soares Ferreira. Foto Tempo Timor

Tempotimor (Dili)-Prezidente Autoridade Nasionál Petroleu no Minerál (ANPM), Florentino Mateus Soares Ferreira, husu Governu atubele hatun taxa ba kombustivel hodi ajuda fornesidór sira labele hasa’e folin ba konsumidór sira.

“Solusaun imidiata ne'ebé ha’u haree mós ita bele adapta no Governu bele hatun taxa kombustivel nian, atu nune'e fonesidór sira la presiza marka fali pressu atu nune'e la bele halo todan fali ba komunidade no públiku”, informa Florentino ba jornalista sira iha Semináriu ne’ebé organiza husi Asosiasaun Estudante Petroleu Timor-Leste (AEPTL) ho Tema Jestaun Setór Petroliferu Liuhusi Atividade UPSTREAM no DOWNSTREAM iha Timor-Leste, iha Salaun Auditóriu, UNDIL, Maskarinas, sesta (08/04).

Ba semináriu ne’ebé organiza husi Assosiasaun Enjeineira petroleu sira durante ne'e halo serbisu maka'as, atubele, divulga informasaun halo utilizasaun ba universidade sira hotu.

“Uluk ami halo ona, iha tinan kotuk ba universidade sira hanesan UNTL ho UNITAL no tempu difísil atu mai fali iha UNDIL, maibé ohin konsege realiza duni semináriu ba loron ida ohin iha UNDIL”, dehan Florentino.

Ho atividade ne’e atu autoliza estudante sira ne'ebé mak eskola iha área, enjeiñaria no jeolojia atubele kompriende no hatene kona-ba progresu sira ne'e.

“Ita iha indefeniza maka'as tebes-tebes, importasaun Kombustivel husi rai liur hanesan, Indonézia, Singapura no Malásia. Agora ita hatene katak pressu ne'e Mundial afeitadu tanba konflitu Entre Ukránia no Rusia, e afeita mós ba siklu Merkadu no to'o mós mai ita”, hatete nia.

Reprezentante Estudante husi Universidade Katolika Timorense (UCT), Victor da Costa Alves hatete, hanesan akadémiku presiza hatene asuntu kompletu husi nasaun nian kona-ba fundu dezenvolvimentu liliu Petrólifeira ne'e rasik.

“Semináriu ne'e, inportante tebes iha ámbitu jestaun Petrólifeira ba upstream no downstream ne'ebé tékniku sira esplika ho Profesionál kona-ba testing nasaun nian ne'ebé dependénsia ba fundu Petrólifeira sai fatór importante ba jerasaun foun nian atu hatene kona-ba soberanu nasaun nian”, dehan nia.

Ba informasaun ne’ebé hetan husi semináriu ne’e pertinente tebtebes ba foinsa'e sira atu apriende no kompriende kona-ba servisu ne'ebé mais tékniku nian liliu petroleun nian.

“Bayu Undang iha rikeza lubuk iha ne'ebé hanesan asuntu kompletu ida no bele hatene kona-ba servisu husi kompaña sira no problema kona-ba mina folin sa'e maka'as ne'e problema mundiál ne'ebé kauza ba nasaun hotu inklui Timor-Leste”, afirma nia.

Tanba dadaun ne’e, Timor-Leste rasik mós hasoru problema kombustivel hanesan estudante presiza estuda iha parte interinu no esternu nian, atubele haree di'ak liu destinu nasaun ne'e nian liuhusi rikeza soberanu nian.

Enkuantu iha Semináriu ne’e, partisipa husi Estudante Universidade Dili (UNDIL), Universidade Oriental Timor Lorosa'e (UNITAL) no Universidade Nasional Timor Lorosa'e (UNTL), no oradór sira maihusi Autoridade Nasionál Petroleum no Minérais (ANPM) no Institutu Petroleu no Jeolojia (IPG). (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter