Print this page

ATK Hahú Peskiza Persepsaun Konsumidór ba EDTL

Prezidente Asosiasaun Tane konsumidor (ATK), António Ramos da Silva. Prezidente Asosiasaun Tane konsumidor (ATK), António Ramos da Silva. Foto Tempo Timor

Tempotimor (Dili)-Prezidente Asosiasaun Tane konsumidor (ATK), António Ramos da Silva hatete, Asosisaun Tane konsumidor hahú perkiza kona-ba persepsaun konsumidór sira-nian ba servisu Eletrisidade Timor-Leste,empreza públika (EDTL.ep) nian.

“Bainhira eletrisidade mate prejudika konsumidór sira, sempre hato'o nia keixa ba tane, mak ohin tane halo nia peskiza ida ne'e, ami mós koloka ona pergunta balun liuhusi onlin, konsumidór barak mak hatan ona”, dehan Antonio Ramos, iha Merkadu Manleuana, sesta (08/04).

Ekipa Tane Konsumidór tun direita ba peskiza hodi kolleta informasaun, daduz real husi konsumidór sira-nian, husu mós sira-nia opiniaun, liliu iha sira ne’ebé hela iha Dili laran.

“Ami rekolla ona informasaun balun husi suku, ohin ba estadu públiku ami konsentra iha merkadu Manleuana, nune’e husu konsumidór sira-nia opiniaun kona-ba servisu EDTL ninian, karik ahi mate sira liga kontratu ba EDTL sira bele atende sira ka hatan sira-nian keixa ne'e ka la’e?”, nia esplika.

Ba opiniaun sira Tane Konsumidór rekolla ne’e, sei públika ba públiku, atubele hatene hotu no EDTL bele hadi'a sira-nia servisu ba atendementu di'ak liután.

Tanba ne’e, hato'o nia perspetiva ba EDTL katak sira mak servisu públiku esensiál, sira bele garante servisu ba públiku ho 24 oras nia laran, liuhusi peskiza ida ne'e atu hatene kona-ba servisu EDTL hatudu kualidade ka la’e?.

“Estudu ida ne'e, ami sei públika sai hanesan baze ida, ami mós enkoraja konsumidor sira kuandu ahi mate tenke hato'o nia direitu konsumidór ba sira”. Informa nia.

Bainhira ahi mate konsumidór kontaktu ba EDTL mak sira la atende, bele hato'o keixa ba tane, bele hatutan konsumidór sira-nia direitu.

Ba dadús reprezentantivu ne'ebé ATK rekolla husi suku ida Dili laran, ho totál hamutuk 50 to'o 100 ona. (*)

Rate this item
(0 votes)
Last modified on Friday, 08 April 2022 13:54
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items