“Objetivu primeiru ita-nia reuniaun ohin atu tau hamutuk ita-nia hanoin, tau hamutuk ita-nia dezafiu sira oinsá mak atu buka solusaun ba dezafiu sira ne'ebé ita enfrenta, e mós buka solusaun resposta malu iha programa ne'ebé mak parte SEKOOP iha, hanesan ita ko'alia iha 29 janeiru liuba, ita iha asaun lubuk ida mak ita ko'alia, mak ita sei hala'o iha tinan 2022”, dehan Elizario Ferreira iha salaun Federasaun Hanai Malu Bairopite, kinta (07/04).
Iha ne’e, SEKOOP mós sei enkontru ho dirijente kooperativa iha kada trimestrál no promete sei kontinua apoiu formasaun lideransa ba membru no dirijente kooperativa sira hodi asegura sustentabilidade kooperativa nian.
“Ita ba reuniaun sira sei hala'o bebeik, formasaun liderasaun ita halo nafatin atubele asegura sustentabilidade kooperativa nian asegura mós estabilidade fananseiru kooperativa nian”, afirma nia.
Ba reuniaun ohin, iha ámbitu ida ne'ebé mak sei fó hanoin ba malu, sei ko'alia ba malu, hanoin sira ne'ebé atubele kontribui ba programa ne'ebé mak SEKOOP hato'o sei ko'alia no ba futuru sei servisu hamutuk.
Programa ne'ebé mak Sekretária Estadu Kooperativa realiza iha tinan 2022 hamutuk 10 hanesan, edukasaun formasaun no informasaun, kriasaun kooperativa, merkadu ba produtores sira, haruka joven fila ba kampu, no seluk tan. (*)