“Eletrisdade, e agora levantamentu halo ona, suku iha Timor-Leste tomak, 33 mak seidauk, projetu la'o tiha ona, ba suku 33. Purtantu la kleur tan, eletrisidade sei ba to'o suku 33 ke seidauk iha eletrisidade”, dehan nia iha mini kampaña husi kandidatu Francisco Guterres ‘Lú Olo’, iha Sentru Konvensaun Baukau, kinta (07/04).
Aleinde ba eletrisidade, Governu mós sei prioridade atubele rezolve problema Bee-moos liuhusi finansiamentu fundu importante ida ne'ebé Timor-Leste hetan direta liuhusi projetu Millenium Challenge Corporation (MCC) ho montante millaun $300, atubele responde ba nesesidade povu ida ne'e.
Ba projetu husi Millennum Challenge Corporation (MCC) ne'ebé uluk akordu uluk remata tiha ona, maibé iha Governu konstituisional dahitu konsege loke filafali hodi Timor-Leste kontinua sai benefisiáriu ba fundu ne'e rasik. (*)