Login to your account

Username *
Password *
Remember Me

Asosiasaun Tane Konsumidór Identifika Folin Kombustivel Kontinua Sa’e

Prezidente Asosiasaun Tane Konsumidór, Antonio Ramos da Silva. Prezidente Asosiasaun Tane Konsumidór, Antonio Ramos da Silva. Foto Tempo Timor

Tempotimor (Dili)-Prezidente Asosiasaun Tane Konsumidór, Antonio Ramos da Silva, hatete durante semana rua nia laran sira identifika folin Kombustivel kontinua sa’e maka'as.

“Faktu hatudu folin mina ne'ebé Tane Konsumidór foti iha fulan rua nia laran komparasaun ba loron 14 marsu ne'ebé Tane Konsumidór fó sai ba Públiku liuhusi mídia. Agora loron 7 abril dadus Tane Konsumidor foti husi loron loron 5 Abril dadus ne'ebé Tane Konsumidór hetan kompara ho loron 28 fevereiru maibé anunsiu iha loron 14 marsu. Dadus foun ne'ebe Tane Konsumidor hetan mak folin ba gasoel sae maka'as kompara ho folin gazolina ne'ebé mak tun. Normalmente gazolina iha leten no gazoel iha kraik”, dehan Antonio Ramos da Silva iha Kna'ar fatin Villaverde, kinta (07/04).

Desizaun folin mina ne’ebé sa’e dala barak afeta ba konsumidór sira tanba relasaun entre komsumidór sira ho operadór Ekonómiku parte komsumidór ninia fraku.

Husi dadus ne’ebé iha, Kompaña ETO iha loron 14 marsu folin gazoel 1,16% no gazolina 1,18% maibé iha loron 5 abril gazoel sa’e ba 1,37% no gazolina sae ba 1,33% ne'e atu hadutu katak inflasaun iha semana rua nia laran sa’e ba 15% até 21% ne'e brutal oituan.

Normalmente folin mina iha mundu gazolina folin aas liu kompara ho gazoel maibé bazeia ba dadus ne'ebé Tane Konsumidor hetan iha loron 5 abril 2022 hatudu folin gazoel nian sa’e liu duke gazolina.

Enkuantu iha pertamina mina folin sa'e ba 9 % no ETO gazolina tun ba 15% mais boot no gazoel hasa'e ba 21%. Kompara ho Realistik iha loron 14 fulan Marsu Tinan 2022 tantu gazoel no gazolina sa’e ba dollar sanulu ($10) pur litru maibé agora Gazoel sa'e 1,32% no Gazolina ne'e ba 1,30%.

Tanba ne’e, Tane Konsumidor kontinua apela ba públiku kompara ho folin iha merkadu internasionál iha loron 7 marsu 2022 folin mina sa’e liu atinje ba dollar atusida-tolunulu ($130) pur barrel maibé hahú loron 6 fulan-abril tinan 2022 tun ona.

Nune'e, Tane Konsumidor husu Governu iha situasaun difísil nia laran labele husik merkadu mak regulariza maibé Governu mak regulariza merkadu.

“Labele hasa'e folin mina tuir ita-nia hakatak atu aproveita iha situasaun difísil nia laran no iha de'it semana tolu nia laran folin mina sa'e maka'as. Seidauk tan ita-nia komunidade ka konsumidór sira hakerek kona-ba folin husi sasán seluk maibé ita foku liuba tendénsia husi folin mina nian”, dehan nia.

Ho ida ne’e, husu ba entidade kompetente sira liliu Autóridade Nasionál Petrólifeira (ANP) Down Stream ho Governu atu tur hamutuk ho operadór Ekonómiku sira hodi fó atensaun ba ida ne'e. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter