“Tuir mai iha mós iha planu ne'ebé iha tinan 2021 atu kria estabelese kooperativa produsaun ba suku 252 tempu ne'ebá ita la konsege atinje 52 maibé ita konsege atinje 214 ne'e siknifika katak presiza atu aselera servisu ne'e maske sirkunstansia oioin mais ita konsege halo ida ne'e”, dehan nia ba jornalista www.tempotimor.com, iha Salaun Fundasaun Hanai Malu (FHM) Bairopite, kinta, (07/04).
Alende ne'e iha tinan 2021, SEKOOP mós konsege kria kooperativa kréditu 60, iha postu Administrativu 60 iha territóriu Timór laran tomak.
Iha mós programa ida kona-ba kriasaun kooperativane’eb’e hala’o iha tinan 2021 ho tarjetu ne'ebé mak hakarak atinje mak kria kooperativa iha postu administrativu 65.
“Ho servisu sira hanesan ita iha kalamidade ita mós iha serka Sanitária no mós konsentra ba distribuisaun ba Sesta Bázika 2021 ita konsege instala kooperativa kréditu 60 iha postu sira hela 5 mak seidauk no ita hanoin katak tinan ne'e atu konklui”, deklara nia.
Kona-ba edukasaun formasaun informasaun 2021 tarjetu ba ema 2.800 maibé formasaun ultrapassa tarjetu tanba forma ema besik 10.000 maske situasaun iha Covid-19 iha tinan 2021.
Tamba ne'e mak Diresaun Nasionál kooperativa Finanseira atu kontinua akompañamentu monitorizassun suprovizionamemtu hodi asegura kooperativa sira-nia sustentabilidade ba oin. (*)