“Objetivu ohin ne'e, enkontru tékniku ninian ba unidade tékniku Komisaun Interministeriál Dezenvolvimentu Turizmu, no ko’alia mós kona-ba oinsá komisaun ne'e atu halo durante iha tinan ida ne'e, ou tinan oin mai, ho ida ne'e, atu trasa ona planu asaun ida, oinsá atu halo serbisu intensivu hodi haree ba área Turismu ninian”, dehan Asesor Komisaun Interministerial Dezenvolvimentu Turizmu, Cesar Dias Quintas, iha salaun MNEK, Praia dos Coqueiros, tersa (05/04).
Ministériu Turizmu Komersiu Industria (MTKI) bele fó informasaun ba planu estratejiku turizmu nian, nune'e husi parte Ministériu Koordenador Asuntu Ekonomia (MAKE) halo koordenasaun de'it ba liña minitériu sira no Instituisaun Governu sira oinsá atu hala'o no implementa ne’ebé liga ba Komisaun Interministeriál ba Dezenvolvimentu Turizmu nian, maibé papel importante ba turizmu nia husi MTKI.
Ministériu Turizmu Komérsiu no Industria (MTKI) liuhusi Diretór Formasaun Turizmu no Relasaun Internasionál, Antonio da Silva, hatete, iha ekontru ne’ebé halo atu update kona-ba preparasaun esbosu planu estratejia iha turizmu nian, no agora iha faze finál ona, depois faze finál ne'e tinan oin mai sei aprezenta fali ba Ministériu Komersiu Industria, karik hetan apresiasaun sei konvoka fali, ho liña miniteriál sira atubele hetan preokupasaun antes atu lori ba Konsellu Industria.
“Ba planu estratejiku turizmu ne'ebé mak iha, em jerál ita haree ba ita-nia produtu ne'ebé mak iha, liliu Rekursu Turizmu nian, ita hanesan rekursu naturál ne'ebé mak ita iha, entaun husi planu estratejia ne'e ita formula ou jere ita-nia sitiu sira ne'e, atu nune'e jere produtu ne'ebé mak ita iha, hodi sai produtu ne'ebé mak arkivu, nomós iha valór para ita bele fa'an”, dehan nia.
Ba implementasaun iha vantajen hanesan mak turizmu sai setór importante ba Timor-Leste husi mina, maibé atu dezenvolve setór ne'e komplexu presiza evolvimentu setór hothotu, no espera ho diskusaun sira hanesan ne'e no atividade sira ne'e bele hetan informasaun no rekomendasaun ruma, nune'e bele organiza formasaun ruma hodi sai dokumentu ne'ebé mak bele utiliza iha tempu naruk. (*)
