Login to your account

Username *
Password *
Remember Me

Servisu Alimetar Enkoraja Komunidade Badinas Halo Natar

Diretór Servisu Segúransa Alimetar Nasionál, Rofinho Soares Gusmão ko'alia ba mídia iha Vila nova Baukau, tersa (05/04). Diretór Servisu Segúransa Alimetar Nasionál, Rofinho Soares Gusmão ko'alia ba mídia iha Vila nova Baukau, tersa (05/04). Foto Tomas Freitas

Tempotimor (Baukau)-Diretór Servisu Segúransa Alimetar Nasionál, Rofinho Soares Gusmão enkoraja komunidade sira iha teritóriu nasionál atu badinas halo natar, tanba merkadu ba produsaun fós klaru ona liuhusi programa cesta bázika.

"Governu tau ona programa oinsá mak grupu sira badinas liután, sé mak la halo natar, laiha osan, merkadu klaru ona ne'e, kada tinan Governu tau osan hodi sosa," dehan Rofinho, iha vila nova Baukau, tersa (05/04).

Tuir dadus ne'ebé parte segúransa alimentar asesu, kada fulan komundade maioria konsumu hahan primaria mak fós.

Produsaun agrikultura fós nian ba tinan-2020 iha 49.000 tonelada, maibé iha tinan-2021, hahú sa'e pur-volta to'o  72.000 tonelada, tanba grupu produtores sira hahú iha ona inisiativa rasik.

"Ita ko'alia kona-ba fós de'it seidauk sufisiente, tanba 72.000 toneladas ne'e, ita auguenta de'it ba fulan-5 ou 6 de'it, entaun fulan seluk ne'e, hakarak ga lakohi importa fós mai, atu kompleta difisiente fós ne'ebé mak iha," nia argumenta

Natar ne'ebé abandona, komunidade sira reativa hotu, nune'e iha tinan-2021, produsaun fós iha Timor mudansa sa'e to'o tonelada 72.000, kauza husi aumenta produsaun fós iha TL, tanba Governu ho nia polítika implementa programa cesta bázika iha teritóriu nasionál.

Dadaun Governu kontinua nia polítika rasik, preve tán orsamentu rihun US$80 ba programa cesta bázika atu sosa produtu lokál.

"Implementa programa sira ne'e, atu kontribui ba hadi'a ma-nutrisaun iha Timor-Leste, ai-han sira ne'e hotu atu kontribui reduz (ma-nutrisaun) inklui ki'ak," nia argumenta

Diretór servisu agrikultura Munísipiu Baukau, Moises Lobato Pereira, hatete, iha tinan-2021, tarjetu ne'ebé Ministériu Agrikultura no Peska (MAP) fó ba servisu Agrikultura Baukau atu atinji natar hektar 7.000, maibé atinji natar hamutuk hektar 8.000 resin.

Maibé, iha prekupasaun seluk ba natar na'in sira mak irrigasaun, nune'e bele fó impaktu ba rezultadu ikus kolleta nian.

"Problema ne'ebé infrenta natar sira direitamente foti bee husi mota, kuandu udan makas ona, automatikamente mota tenke sobu irrigasaun sira ne'ebé foti bee husi mota," nia akresenta

MAP liuhusi servisu Agrikultura Munísipiu Baukau Munísipiu Baukau, normaliza ona irrigasaun Larisula Baguia, sobabere Suku seiçal Postu Baukau Vila, restu seluk sei kontinua halo normalizasaun.

Tinan-2021 konsege atinji liu metas husi nasionál to'o natar hektar 8.000, nune'e iha tinan-2022 bele aumetan tán, tanba natar balun ne'ebé abandona antes, hahú funsiona.

"Ha'u nia esperansa ba tinan-ida ne'e ita atinji liu, tarjetu ne'ebé Minisitéiru Agrikultura fó mai ita atu implementa demostrasaun área ne'e, 360 hektares," nia hatete

Enkuantu dadus produsaun batar iha Baukau, ba tinan-2021 nian, área potensiál 16.000, área kultivu 6.149, área kolleta 5.916, produktividade 2.7 produsaun tonelada hamutuk 16.010.

Dadus produsaun área iha Munísipiu Baukau ba tinan-2021, área potensiál 14,423.00, área kultivu 8,194.00, área kolleta 8,194.00, produktividade 4.2, produsaun tonelada hamutuk 34,414.80 ba ekivalente fós 20,648.88.

Entertantu tuir dadus servisu segúransa alimetar, iha tinan-2021 Governu sosa fós hamutuk 150.000 tonelada husi nasaun seluk. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter