“Ba sesta bázika sira hanesan membru organizadór motivadór iha Sekretáriu Estadu Kooperativa komisaun alista sira hotu atu hola parte iha atividade distribuisaun sesta bázika”, dehan Elizário Ferreira ba www.tempotimor.com iha salaun Federasaun Hanai Malu, Bairopité, sábadu (02/04).

Planu ne'ebé SEKOOP halo ba Organizasaun ne’e mak oinsá atu kontribui ba implementasaun ba Sesta Bázika ne'ebé mak orgániza husi SEKOOP rasik.

Prezidente Kooperativa Nasionál Juventude no Dirijente OMM, Gonzalo da Costa hatete, simu orientasaun husi SEKOOP atu apoiu servísu implementasaun servísu Sesta Bázika ne'ebé sei realiza iha Munisípiu sira.

“Ami mós servisu hamutuk ho komisaun ne'ebé mak SEKOOP instala ona ba implementasaun Sesta Bázika atubele serbisu hamutuk ba foti baze dadus aumesmu tempu oinsá halo diskusaun ne'ebé di'ak liu para aban bairua implementa programa sesta bázika ho di'ak liu”, afirma Gonzalos.

Tanba ne’e, sei garante atividade SEKOOP nian iha terenu liliu foti baze dadus kontribui di'ak liu saida mak papél Governu hakarak atubele implementa Sesta Bázika ne'e ho di'ak.

OMM nu'udar funsionáriu kontratadu ne'ebé mak durante halo Observasaun Mitigassun no Mobiliza kooperativa sira iha terrenu, nune'e tinan 2022 implementa programa sesta bázika SEKOOP orienta OMM hamutuk ho ekipa rekolla baze dadus iha Munisípiu sira.

Sekretáriu Estadu Kooperativa sei implementa programa Sesta Bázika iha Munisípiu ualu hanesan, Covalima-Suai, Ainaro, Ermera, Aileu, Manatuto, Baukau, Vikeké no Lospalos-Lautein. (*)