“Ho deliberasaun ida-ne’e, Konsellu Ministrus define mós hanesan prioridade halo tramitasaun, husi órgaun no servisu administrasaun kompetente, ba prosedimentu administrativu ne’ebé presiza ba konkretizasaun investimentu privadu nian iha setór telekomunikasaun, tuir lei ne’ebé vigora”, dehan Ministru Finanasas, Rui Agusto Gomes, iha Palásiu Governo, kuarta (30/03).

Reuniaun ne’e haree mós ba projetu ne’ebé aprezenta husi Primeiru Ministru, Taur Matan Ruak, Konsellu Ministrus delibera atu autoriza loke prosedimentu aprovizionamentu, liuhusi konkursu públiku internasionál, ba adjudikasaun kontratu ba konstrusaun “Jardim da Chama Eterna”, memoriál ida-ne’e ho símbolu aas tebes, atu konsentra rekoñesimentu ba ema sira ne’ebé mate iha funu laran.

Ho deliberasaun ida-ne’e, Konsellu Ministrus autoriza Arkivu no Muzeu Rezisténsia Timor-Leste, institute públiku (I.P) atu asume kompromisu plurianuál relasiona ho ezekusaun obra konstrusaun “Jardim da Chama Eterna”, dehan nia. (*)