“Ha'u mai atu apresenta relatóriu servisu ne'e, primeiru, segundu, fó orientasaun atu halo servisu oinsá mak selebra programa ne'ebé mak parte SEKOOP nian ida ne'e mak objetivu prinsipál”, informa SEKOOP Elizário Ferreira ba jornalista sira iha Salaun PCM, Palásiu Governu, tersa (29/03).
Iha aprezenta relatóriu serbisu ne'e simu orientasaun husi Primeiru Ministru hodi kontinua selebra programa sira ne'ebé mak sei hala'o.
Tanba servisu sira ne'ebé mak durante tinan 2021 kooperativa realiza ona mak halo ona formasaun ba ema rihun-10-resin inklui mós halo instalasaun ba kooperativa iha nível suku to'o postu administrativu sira.
“Servisu ne'ebé mak ami hala'o ami relata kona-ba servisu SEKOOP iha tinan 2021 nian iha tempu ne'ebá ami tarjetu atu ba edukasaun formasaun informasaun ba ema 2.800 maibé ninia tarjetu ne'e liu ida ne'e maibé ema besik rihun-10 mak hetan formasaun husi kooperativa Instalasaun Kooperativa ami no tarjetu suku 252 atu estabelese kooperativa maibé ho sirkumstánsia oioin konsege 214 kooperativa iha nível suku tarjetu de kooperativa kréditu ba postu administrativu 65 maibé konsege hari’i de'it iha 60 hela 5 mak seidauk”, esplika nia.
Ba servisu seluk ne'ebé mak SEKOOP durante halo mak edukasaun formasaun no desiminasaun konsege kontribui prodisaun sira iha rai laran.
“Kria kondisaun merkadu ba produtór sira ida ne'e ami dada ita-nia produtór ho motivasaun edukasaun formasaun no desiminasaun husi parte Sekretária Estadu halo e kontribui duni hasa'e produsaun iha rai laran”, afirma nia.
Iha tinan 2022, SEKOOP sei kontinua programa anteriór nian iha ona hanesan programa neen (6) fortalesimentu instituisionál parte Sekretária Estadu Kooperativa ho movimentu kooperativa ne'e primeiru, segundu edukasaun formasaun e informasaun, terseiru, Estabelesimentu kooperativa, kuartu asegura kooperativa atu hala'o liña kréditu ne'ebé mak saudavel no sustentavel, no iha estabilidade finanseiru ne'ebé di'ak kintu lori joven fila ba kampu, no ikus liu kriasaun merkadu produtór sira.
Dadaun ne’e aumentu programna sesta bázika, parte programa annual ba tinan 2022, ne'ebé mak parte Sekretáriu Estadu Kooperativa oinsá mak hamutuk hodi kooperativa sira atubele asegura produsaun no asegura distribuisaun ida ne'ebé di'ak.
Iha seluk mak bolu reforsa promove no reforsa programa agrikola oinsá mak agrikultór sira aumenta sira-nia produsaun ne'ebé di'ak atu oferese ba merkadu, no iha ida seluk mak promove no reforsu ba kooperativa peskas, oinsá mak bele asegura peskadór, ho formasaun atu asegura di'ak perkadór sira. (*)
