“Governu hahú halo Portu Tibar ne'ebe iha tempu badak sei remata, ida ne'e sirkulasaun Ró la’o ho di'ak. Governu sei hadi’a Telekomunikasaun ne'ebé iha tinan oin fibre óptika no internet sei baratu ba ema hotu. Kona-ba Estrada ministru tau ona iha ajenda no sei diskute ho Ministériu Obras Públika. Uma Kbi'it La’ek (UKL) ne'ebé hala'o husi Programa Nasional Dezenvolvimentu Suku (PNDS)”, informa Ministru Francisco Jerónimo hafoin halo Diálogu ho Komunidade iha Postu Administrativu Turiskai, Munisípiu Manufahi, sesta (25/03).

Nune'e Ministru ne'e atu autoridade lokál sira servisu hamutuk atu identifika área prioridade sira no liliu ba infraestrutura bázika hanesan bee-moos, eletrisidade, edukasaun no saúde inklui agrilultura no kultura atu komunidade hothotu bele asesu ba infraestrutura bázika.

Ba programa ba Edukasaun dadaun ne'e, Governu hahú hadi’a eskola ne'e menus fasilidade ka eskola ne'ebé at, diriji komunidade rasik mak halo liuhusi forma grupu komuniária sira mak halo eskola sira, no orsamentu ba eskola refere sei transfere direita ba konta bankaria komunidade nian.

“Área komersiu industria Governu preve osan 80 mil ital atu tau programa sesta bázika ne'ebé sei sosa produtu komunidade nian no sei fahe fali ba komunidade sira. Sesta bázika tinan sei diferente no fahe ba komunidade ne'ebé mak presiza duni ai-hán. Orsamentu ba idiozu aprova ona iha Parlamentu Nasionál ne'ebé sita ona katak ema hothotu ho idade 60 sei simu $50 kada fulan no sei hetan iha fulan-Juñu ou Jullu”, dehan nia.

Iha mós programa seluk mak Bolsa da Mãe futuru Jerasaun dadaun ne'e Pilotu iha Munisípiu Ainaru, Ermera no Oekussi iha tempu badak sei ba Munisípiu hothou. Ba programa ida hahú husi bebe iha inan nia kanotak to'o eskola sekundária tanba labarik barak mak ho saúde mánutrisaun.

Iha mós difikuldade ne'ebé hasoru hanesan Covid 19, la’ós iha Timor de’it, maibé nasaun hothotu enfrenta ba moras ida ne'e. Tanba ne’e buat barak mak suspende maibé iha balun mós atinje hanesan vasina ne'ebé Governu ho esforsu-an tomak no ajinte ona pursentu ualunulu.

Nune’e mós, dezastre naturál inundasaun iha loron 4 fulan-abril ne'ebé liga lakon komunidade no família barak liuliu komunidade iha Dili ne'ebé barak mak muda ba foho.

Liuhusi difikuldade ne'e, sei lahamate vontade Governu nian tanba ne'e programa sira sei kontinua halo no husu ba autoridade lokál sira atu kolabora no servisu hamutuk identifika fatin prioridade ka fatin ne'ebé nessesáriu tebes tau programa sira ne’ebé presiza. (*)