“Hakarak informa ba Funsionáriu kontratadu sira hotu katak, ita-boot sira-nia saláriu ba fulan-marsu 2022 krédita ona ba ida-idak nia konta bankária”, deklara jestór BNCTL liuhusi karta ne’ebé www.tempotimor.com asesu, sesta (25/03).
Iha ne'e, BNCTL nafatin fó hanoin ba funsionáriu públiku sira ne’ebé seidauk iha kartaun débitu ka Automated Teller Machine (ATM) atu ba trata kartaun refere ho brevemente iha BNCTL.
Ba prezadu kliente sira ne'ebé mak hakarak hetan notifikasaun ba saláriu ka subsídiu nian husu atu rejistu ida-idak nia númeru telefone ba fasilidade servisu SMS (Short Message Service) ALERT, atubele hetan notifilasaun husi BNCTL wainhira subsídiu ka saláriu kredita ba konta ida-idak nia.
Aleinde husu mós ba funsionáriu públiku hotu atu kontinua mantein regra prevensaun sira no proteje-an husi transmisaun Covid-19. (*)