“Dala ida tán, primeiru ha’u husu deskulpa ba jornalista sira hotu, atraza ne'e la'os ami mak halo, maibé prosesu mak hanesan ne'e”, dehan Ministru Jerónimo iha Parlamentu Nasionál (PN), kinta (24/03).

Ba pagamentu atraza tanba dokumentu ne'ebé submete husi mídia sira, dala ruma balun laiha kartaun identifikasaun, no konta bankária ho ida ne'e mak MAPKOMS haruka fialafali dokumentu sira ne'e ba impreza ida-idak atu haree filafali.

Maibé, agora dadaum lista sira ne'e tama no verifika hotu ona, no MAPKOMS rasik mós submete ona ba Ministériu Finansa, atubele halo despaisu ba prosesu kontinuasaun.

Ba prosesu tarde ida ne'e, la'ós tanba MAPKomS mak lakohi servisu maibé prosesu mak hanesan ne'e, nomós tanba mídia sira haruka lista mai iha problema entaun afeta ba prosesu verifikasaun atubele halo pagamentu. (*)