Print this page

Governu Autoriza Ministru Rui Asina Akordu Kontribuisaun Finanseira ho USAID

Ministru Prezidensia Konsellu Ministru, Fidelis Leite Magalhães. Ministru Prezidensia Konsellu Ministru, Fidelis Leite Magalhães. Foto Suplay

Tempotimor (Díli)-Governu Reuniaun liuhusi Konsellu Ministru (KM) deside fó poder ba Ministru Finansas (MF), Rui Augusto Gomes, atu asina akordu ho Estadu Unidus Amérika liuhusi United States Agency International Development (USAID) kona-ba kontribuisaun finanseira.

“Iha alterasaun ida-ne’e iha objetivu atu revee valór kontribuisaun finanseira efetua husi Estadus Unidus Amérika iha ámbitu akordu ida-ne’e nian, ne’ebé aumenta valór kontribuisaun finanseira US $17.900.000,00 (dolar amerikanu millaun sanulu-resin-hitu, rihun atus sia) ba US $36.558.837,00 (dolar amerikanu millaun tolunulu-resin-neen, rihun atus lima limanulu-resin-ualu, atusualu-tolunulu-resin hitu)" dehan Ministru Prezidensia Konsellu Ministru, Fidelis Leite Magalhães, iha Palásiu Governu, kuarta (23/03).

Tuir projetu ne’ebé aprezenta husi Ministru Finansas, Rui Augusto Gomes, Konsellu Ministrus delibera ona hodi autoriza selebrasaun asina akordu ho Estadus Unidus Amérika liuhusi ajensia USAID.

Hafoin Reuniaun Konsellu Ministru desidde Ministru Finansas, Rui Gomes atu reprezenta Governu Timor-Leste asina akordu ho USAID. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items