Login to your account

Username *
Password *
Remember Me

SEKOOP Husu Diretór Sira Kontinua Asegura Kooperativa iha Timor Leste

Sekretáriu Estadu Kooperativa (SEKOOP), Elizário Ferreira. Sekretáriu Estadu Kooperativa (SEKOOP), Elizário Ferreira. Foto Suplay

Tempotimor (Dili)-Sekretáriu Estadu Kooperativa (SEKOOP), Elizário Ferreira, husu ba Diretór Jerál no Nasionál sira atu kontinua asegura kooperativa sira iha Timor-Leste.

“Ba ha'u-nia mandatu ida rohan ne'e sei asegura filafali ita-boot sira-nia meritu atubele halo rekrutamentu ida-di'ak ba ita-boot sira hodi prepara ba futuru, futuru bele la'ós mak iha ne'e de'it, ema bele troka ha'u maibé instituisaun ida Sekretáriu Estadu Kooperativa ne'e labele lakon, ne'e tenke iha nafatin atu asegura dezenvolvimentu Kooperativa iha rai ida ne'e”, dehan SEKOOP Elizario Ferreira liuhusi nia intervensaun bainhira iha ambitu entrega knaar foun ba diretor Jerál no nasionál sira iha sala reuniaun SEKOOP Akait, Kinta (17/03).

Tanba atu sustentavel ba instituisaun ida funsionáriu no kargu xefia sira tenke servisu profesionál hodi asegura insitituisaun liliu Sekretária Estadu Kooperativa (SEKOOP) nian, tanba hala'o kna’ar iha instituisaun ida liuhusi nomeiasaun polítika ne'e sei hotu tuir nia tempu maibé liuhusi selesaun por meritu sei kontinua nafatin.

Tanba nomeiasaun liuhusi polítika nia mandatu sei hitu tanba ida ne'e mak Sekretária Estadu Kooperativa halo hela preparasaun ba funsionáriu sira hodi kontinua asegura Instituisaun Estadu liliu Sekretária Estadu Kooperativa nian.

“Ema sei harohan atu hetan Jestór ne'ebé di'ak, SEKOOP atu sustentável ka la’e?, depende ba ita-boot sira, ha'u ema Polítiku ne'ebé tempu ruma hotu, e kargu ne'e la permanente iha ema ida nian husi tempu ba tempu ne'e muda, maibé funsionáriu públiku ne'e to'o reforma mak hasai ou anaunser husu rezigna-an tanba ida ne'e mak funsionáriu públiku ne'e Jestór ba insitituisaun ida liliu diretór sira, kargu xefia sira diretór jerál sira ita-boot sira mak tenke asegura lideransa iha ezekutivu nian”, afirma nia.

Nune'e Diretora Jerál Administrasaun Finansas no Planementu, Natalia Rocha da Costa hatete, nia kontente tanba simu kna’ar ida ne'e nune'e nia konsidera bele oportunidade ida.

“Ami ohin ne'e hothotu mai iha ne'e, ba konfiansa ne'ebé ami simu, kna’ar simu ne'ebé mai simu, nu'udar Direitora Jerál, Diretora Nasionál kargu xefia sira, ne'e konfiansa ne'ebé ami tenke asegura, ba programa no atividade hotu, husi Sekretáriu Estadu Kooperativa, nian, nune'e ami sente kontente tebes ba konfiansa ne'ebé ami simu”, dehan Diretora ne’e.

Ba planu asaun SEKOOP tinan 2022 liliu iha Administrasaun Finansas no Planementu nia sei hala'o kna’ar tuir programa Grande opsaun ne'ebé mak iha ona no sei iha planu seluk ne'ebé mak sei aprezenta iha fulan-maiu tinan 2022.

“Nu'udar Diretora Jerál Administrasaun Finansas no Planeamentu ba planu períodu primeiru oras ne'e la'o hela tanba ita-nia orsamentu sai tarde ba primeiru trimestre ita liu ona, ba segundu trimestre ba kargu foun mak asegura, planu 2022 husu hotu hotu nia kolaborasaun ba programa grande opsaun ba planu ne'ebé mak Plnau ba annual depois ami mós sei haree ba planu mais detallu ba planu tinan nian sei aprenzenta iha maiu agora, ba planu ami tenke halo ne'ebé hetan kolaborasaun ho diresaun jerál no nasionál sira”, deklara nia.

Antes ne'e, Diresaun Jerál de Administrasaun, Finanças Planeamento, (DGAFP), Natalia Rocha Costa, Kargu Anterior (Gabinente para Igualidade de Jéneru), Direção Nacional de Administração e Finanças (DNAF) Foun, Tomas Gusmao kargu anterior (DNNP). Direção Nacional de Aprovisionamento e Logística (DNAL), Marcia Carvalho Kargu nafatin. Direção Nacional de Recursos Humanos (DNRH, Diresaun foun), Alice Tilman Cepeda Kargu Anterior (DNAF)

Direção Nacional de Planeamento e Programas (DNPP), Rosito Soares Kargu Anterior Xefe Departamento Mídia no Informasaun Teknolojia. Direção-Geral de Promoção e Desenvolvimento de Cooperativas, Francisco Xavier, Kargu Anterior Diretór Gerla SECOOP. Direção Nacional de Educação, Formação e Informação (DNEFI, Diresaun foun), Jacinta dos Santos, kargu anterior Diresaun Nasional Cooperativas Produsaun Integradu (DNCPI agora muda naran ba DNDCP). Direção Nacional de Desenvolvimento de Cooperativas Financeiras (DNDCF), Reinaldo Borges. Direção Nacional de Desenvolvimento de Cooperativas de Produção (DNDCP), Leonito Mendes Gonçalves kargu anterior Xefe Departamentu. Direção Nacional de Juventude e Trabalho (DNJT, Diresaun Foun), Gil Bento, Kargu anterior Xefe Departamentu. Gabinete para a Igualdade de Género (GIG), Ana Paula Paicheco, kargu anterior laiha. Gabitene Inspçao e Auditoria (GIA), Henrique Ximenes kargu nafatin. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter