“Matéria kona-ba direitu konsumidór sira-nian, ami mai halo sosializasaun ba lei protesaun sivíl kona-ba direitu konsumidór sira-nia ba estudante sira, tanba estudante mak primeiru poténsia ba konsumidór, sira aban bainbrua tama ba merkadu traballu ka business man, entaun sira tenke hatene uluk direitu konsumidór sira-nian”, dehan Prezidente Associação de Defesa dos Consumidores de Timor-Leste Tane Konsumidór, Antonio Ramos da Silva, iha kampus C IOB, Fomentu II, kuarta (16/03).
Ho servisu hamutuk ne’ebé Tane Konsumidór halo ho Institute of Business (IBO) konsege realiza semináriu ho tema Direitos dos Consumidores hodi sensibiliza informasaun ba estudante sira.
Asosisaun ne'ebé defende direitu konsumidór tenke informa uluk informasaun ba estudante sira, kona-ba pronsípiu fundamental rua hanesan defende direitu konsumidór no defende interese ekonomia Estadu nian.
“Tane husi parte sosiedade sivíl sosiliza lei protesaun konsumidór nian ba estudante universitáriu sira nomos fó informasaun konn-ba direitu, no lei protesaun direitu konsumidór, ba estudante universitáriu sira hotu atu hatene hodi salva guarda ba lei protesaun no lei inan”, hatete nia.
Ho informasaun ne’ebé xfahe ba Estudante, tanba estudante nu'udar xave ba informasaun hodi bele fahe tutan ba família sira kona-ba direitu konsumidór sira-nian.
Bainhira dezenvolvimentu la'o tenke respeita uluk direitu konsumidór nian nune'e bele ba salva guarda operadór ekonomia ba kofre Estadu.
Xefe Akademika husi Institute of Business (IOB), Antonio Soares Martins hatete, inisiativa ida ne'e mai husi tane konsumidór servisu hamutuk ho Institute of Business (IOB) halo semináriu ida kona-ba direitu konsumidór.
"Dala barak ita haree ita-nia konsumidór barak iha ita-nia nasaun dala barak sai vítima nia direta konsumidór no fornesedór ne'ebé mak iha merkadu, entaun sosializasaun ida ohin husi tane konsumidór mai fahe informasaun ba estudante sira”, dehan nia.
Nune'e estudante akademiku sira bele hatene loloos direitu konsumidór, bainhira hola sasán ruma sira bele hatene ona nia prosesu diretu ba konsumidór ne'e. (*)