“Komisaun G aprova planu anual ba asaun ne'e ho Unanimidade, laiha ida mak vota kontra no abstain”, dehan Prezidente Komisaun G, Antonio Verdial iha Parlamentu Nasionál, kuarta (16/03).

Dadauk Komisaun G deside aprova planu ida ne'e bazeia ba karta ne'ebé mak deriji husi Sekretáriu Jerál Parlamentu Nasionál, mai Komisaun espesializada permanente.

Karta ne'e la'ós de'it haruka ba Komisaun sira maibé mós haruka ba Gabinete Prezidente PN, Gabinete Auditóriu Interna ho Gabinete Sekretáriu Jerál rasik, no diresaun ne'ebé mak hola parte iha Parlamentu Nasionál, Grupu Muller Parlamentar Timor-Leste, Konselu Konsultivu Fundu Petroliferu, Konselu Fiskalizasaun no Sistema Nasionál ba Intelijensia, inklui GOPAC.

Maibé ba karta ne'e Komisaun G deside aprova ona, elabora planu diresaun Parlamentu Nasionál ba tinan 2023.

Tanba elaborasaun planu asaun anual 2023 mak sei halo tuir kalendáriu ne'ebé semana oin membru komisaun G sei tur hamutuk hodi bele halo kalendarizasaun ida ba planu ida ne'ebé halo ona, atu nune'e iha futuru bele ezekuta tuir planu lansadu. (*)